餓媽家姐 (已搬遷) 新店位置

同朋友行街經過見到有Barbie Pink雞翼咁特別就即刻走過去食💕原來呢間小食店啲小食都幾創新，除咗有basic嘅魚蛋燒賣，亦都有呢啲Barbie Pink雞翼同唔同味道嘅腸粉✨💕Barbie Pink 雞翼炸雞翼+粉紅火龍果醬，炸雞翼係單骨雞翼方便食用，香脆得黎好juicy。火龍果醬幾特別，炸雞翼點佢就無咁油膩。🥚XO醬蛋牛肉炒腸粉 都幾大份，XO醬炒好香口，腸粉唔會好油，牛肉唔靭。🐮炎上一口和牛 口感同調味都幾好。🧀拉絲芝士條 會拉絲嘅脆芝士條，不過都好飽肚。