影片
更多
2024-08-08
550 瀏覽
今日我哋到咗位於尖沙咀樂道嘅台式火鍋店「牛品」,試下佢哋嘅牛御品火鍋放題。呢個套餐除咗可以食到各種優質嘅牛肉之外,仲會送上春陽茶事嘅手搖飲品。春陽茶事就係位於餐廳樓下,可以選擇嘅種類好多,今日我哋就揀咗桂花烏龍同金桔檸檬。金桔檸檬嘅味道酸酸甜甜,而且有好香嘅茶味,十分之開胃。而桂花烏龍亦都好清香。如果唔想飲得太甜嘅朋友仲可以選擇半糖,真係好貼心。而選擇牛御品嘅話亦都會送埋新鮮鮑魚,大大隻,打邊爐好爽口彈牙。主角當然係肉類啦,呢個套餐可以食到澳洲M4和牛肩胛骨、美國頂級封門柳同埋美國特級牛小排。呢三款牛類嘅油花都平均,而且好重牛味,令我哋不斷encore再encore。佢可以選擇嘅火鍋配料好多,我最推薦嘅係手工蝦滑,啲蝦好新鮮,而且仲係原粒喺入面。另外花雕酒雞件都好正呀,雞肉好嫩滑。除咗可以喺手機落單嘅配料之外,出面都可以食到好多自助美食,喺自助區可以揀嘅熟食包括滷水蘿蔔,蒜泥青瓜等等。仲有響鈴,魚皮,炸薯角。而熟食我十分之推薦椒鹽蝦!佢嘅蝦炸得好酥脆,而且好香。另外炸花枝丸都好彈牙,入面嘅花枝都好有咬口,全部熟飲上枱嘅時候都係熱辣辣㗎,睇得出佢哋都係新鮮炸起。最後梗係唔少得甜品啦,喺呢
春陽茶事就係位於餐廳樓下,可以選擇嘅種類好多,今日我哋就揀咗桂花烏龍同金桔檸檬。金桔檸檬嘅味道酸酸甜甜,而且有好香嘅茶味,十分之開胃。而桂花烏龍亦都好清香。如果唔想飲得太甜嘅朋友仲可以選擇半糖,真係好貼心。
而選擇牛御品嘅話亦都會送埋新鮮鮑魚,大大隻,打邊爐好爽口彈牙。主角當然係肉類啦,呢個套餐可以食到澳洲M4和牛肩胛骨、美國頂級封門柳同埋美國特級牛小排。呢三款牛類嘅油花都平均,而且好重牛味,令我哋不斷encore再encore。
佢可以選擇嘅火鍋配料好多,我最推薦嘅係手工蝦滑,啲蝦好新鮮,而且仲係原粒喺入面。另外花雕酒雞件都好正呀,雞肉好嫩滑。除咗可以喺手機落單嘅配料之外,出面都可以食到好多自助美食,喺自助區可以揀嘅熟食包括滷水蘿蔔,蒜泥青瓜等等。仲有響鈴,魚皮,炸薯角。而熟食我十分之推薦椒鹽蝦!佢嘅蝦炸得好酥脆,而且好香。另外炸花枝丸都好彈牙,入面嘅花枝都好有咬口,全部熟飲上枱嘅時候都係熱辣辣㗎,睇得出佢哋都係新鮮炸起。
最後梗係唔少得甜品啦,喺呢度可以用黑糖自己DIY飄雪綿綿冰,另外仲可以自由加配Toppings,例如芋圓、Häagen-Dazs雪糕,紫米,椰果,寒天等等。
餐廳嘅面積好大,座位同座位之間都好闊落,自助區仲好乾淨企理。總括嚟講,呢間「牛品」嘅台式火鍋放題真係好正,無論係食材、服務定係環境都好出色,值得推介俾大家試下!
張貼
