影片
更多
2024-04-25
52 瀏覽
餐廳：鮨岸 (尖沙咀) 地址：尖沙咀海防道38-40號中達大廈13樓 上年12月由深水埗太子嗰邊搬到過嚟尖沙咀嘅鮨岸，主打Omakase🍣，餐廳師傅跟日本大師學藝，希望用傳統嘅方法炮製每一道菜同壽司🧑🏽🍳。加上佢哋每日喺日本拎飛機貨，確保食客食到嘅都喺最新鮮時令海鮮🦀午市Omakase最平$398就有13道菜，仲有啱曬附近打工仔嘅日式Lunch Set🍱，最抵食嘅鹽燒鯖魚定食都喺$98；而晚市就主打Omakase同豐盛蟹宴，叫A La Carte Menu嘅串燒同炸物一樣得。今次我就叫咗個十八道菜Omakase——櫻($798)，包括3款前菜、5點刺身、1品料理、6貫壽司、江戶前玉子、吸物同甜品🍧，呢個價錢堅喺幾抵食🤑 前菜三款 ✝️汁煮茄子配上手拆嘅蟹肉碎 ✝️公魚南蠻漬用咗糖醋醬汁醃制，酸酸甜甜幾開胃 ✝️磯煮黑梅貝慢煮咗兩三個鐘，大大粒彈牙得嚟軟腍入味 刺身五點 ✝️愛媛縣蜜柑鯛，就咁食唔洗加豉油已經有陣陣蜜柑香🍊 ✝️4-5月當造嘅北海道鮮墨魚🦑，師傅切成細密嘅十字坑紋，食落爽口綿密，掃上醬油同柚子皮帶出鮮味 ✝️日本象拔蚌切成均勻薄片，只喺加上青檸汁提鮮就可以食到象拔蚌嘅鮮味，比加拿大
地址：尖沙咀海防道38-40號中達大廈13樓
上年12月由深水埗太子嗰邊搬到過嚟尖沙咀嘅鮨岸，主打Omakase🍣，
餐廳師傅跟日本大師學藝，希望用傳統嘅方法炮製每一道菜同壽司🧑🏽🍳。
加上佢哋每日喺日本拎飛機貨，確保食客食到嘅都喺最新鮮時令海鮮🦀
午市Omakase最平$398就有13道菜，仲有啱曬附近打工仔嘅日式Lunch Set🍱，最抵食嘅鹽燒鯖魚定食都喺$98；而晚市就主打Omakase同豐盛蟹宴，叫A La Carte Menu嘅串燒同炸物一樣得。今次我就叫咗個十八道菜Omakase——櫻($798)，包括3款前菜、5點刺身、1品料理、6貫壽司、江戶前玉子、吸物同甜品🍧，呢個價錢堅喺幾抵食🤑
前菜三款
✝️汁煮茄子配上手拆嘅蟹肉碎
✝️公魚南蠻漬用咗糖醋醬汁醃制，酸酸甜甜幾開胃
✝️磯煮黑梅貝慢煮咗兩三個鐘，大大粒彈牙得嚟軟腍入味 刺身五點
✝️愛媛縣蜜柑鯛，
就咁食唔洗加豉油已經有陣陣蜜柑香🍊
✝️4-5月當造嘅北海道鮮墨魚🦑，師傅切成細密嘅十字坑紋，食落爽口綿密，掃上醬油同柚子皮帶出鮮味
✝️日本象拔蚌切成均勻薄片，
只喺加上青檸汁提鮮就可以食到象拔蚌嘅鮮味，比加拿大象拔蚌更鮮甜
✝️炙燒新鮮北寄貝，
清新得嚟帶有火炙香烤滋味🔥
✝️華漣生蠔飽滿大只，蠔鮮味亦比較重🦪，加上師傅自己調配嘅柚子醬油同食用花辟除曬啲腥味 一品料理
✝️勁大只嘅日本虎蝦🦐，長過我只手掌✋，虎蝦上面鋪滿濃郁嘅蝦膏同蛋黃醬，燒香之後更加惹味😋
壽司六貫
✝️輕輕熟成過嘅九州深海池魚，肉質細嫩爽口帶有油脂香
✝️北海道新鮮帶子無急凍或者雪藏過，完美呈現返帶子嘅鮮甜香味，加上柚子皮就更上一層樓👍
✝️江戶前嘅代表之一——小肌，出面好少見，因為處理工序相當繁復，鹽醃、去水、吹乾、醋浸，少啲心機都唔得，柔軟嘅魚身加上酸、鮮、咸嘅層次確實唔可以錯過🤤
✝️北海道赤蝦放上烏魚子，烏魚子就成為咗赤蝦嘅調味料，蝦嘅鮮味double up⬆️
✝️赤鯥喺日本最高級嘅白身魚之一，豐富嘅油脂加上出色嘅鮮甜肉質令人欲罷不能😋
✝️和歌山藍鰭吞拿魚，用咗大腹呢個無筋嘅霜降部位，入口即溶嘅滋味同豐腴嘅魚油香喺口中徘徊，媽啊我想食多件😍
✝️師傅仲送多咗件秋山縣白海膽手卷，海膽味道清雅無澀味，口感幼滑細膩，連埋香脆紫菜一齊食形成口感上嘅對比🆚
✝️江戶前玉子 坐低無耐就見到師傅已經開始整緊呢個江門前玉子，
出色嘅火候同時間掌握，令玉子表面微微焦香，而中間濕潤軟綿夠曬細膩，加上蛋香同高湯濃鮮香味喺一個唔錯嘅飯後小食
吸物 ✝️相當清甜嘅舞茸菇金鯛清湯，最啱就喺食完一餐大餐之後解嚇膩，湯入面仲有舞茸菇同金鯛魚肉添🤓
甜品 ✝️最後送上白桃味雪葩同芒果味雪糕雪米糍，所有油膩滯嘅感覺食完呢個甜品即刻消除曬，帶著甜蜜幸福嘅感覺結束呢餐豐盛嘅Omakase🔚
張貼
