三巡小廚

營業中

休息中

係尖沙咀新港中心地庫 有一個food court 。 食物都相當多元化。因為想食海南雞飯 所以就簡左位於food republic既三巡黎試下。 野食都唔算貴， 簡左海南雞飯套餐（$54） 。 套餐除左包含海南雞飯，仲有清雞湯，同蠔油菜心或滷水豆腐加蛋。 而今次就叫左配滷水豆腐同蛋。 俾完錢 ，職員就會即時係你面前預備，成個過程勁快手，絕對唔洗等好耐。 因為係food court ，位置上自己搵，food court佔地大 ， 加上疫情下唔太多人 都好易搵到啲靜靜地既位。 食物份量都相當大， 個人超中意海南雞飯， 不得不說 啲雞相當滑同嫩口 不過個飯就略微硬身同乾。 清雞湯不得不說有啲特別有淡淡既藥材苦澀味， 雞味反而被cover左 但唔會好油 而滷水豆腐同蛋味道則不過不失。