鼎皇臭臭鍋 (已結業)

早排有一輪好興食台灣嘅臭臭鍋但係因為太多人所以都冇試過今次放工行下附近發現開咗一間臭臭鍋上網睇過食評都唔錯 就試下佢百幾蚊一個鍋加埋杯台式飲品尖沙咀來講真係算抵不過老實講其實我係俾佢嘅藥膳鍋吸引我入去既🙈所以臭臭鍋同藥膳鍋都叫左一個先講臭臭鍋 材料勁多 而且都好正宗連鴨血都有 臭豆腐都好滑好入味而且豬大腸夠晒爽口 份量都唔少男仔食一鍋都夠飽另一款就叫咗藥膳羊肉鍋個火鍋一上枱已經聞到好香嘅藥材味材料亦都勁豐富 最緊要係羊肉完全唔腥但係就做到連湯底都好有羊肉味見到其他人仲有點滷肉飯本來都想試吓但因為個火鍋實在太多野食完已經捧住個肚唯有等下次拉啲大胃王一齊再食最後最值得讚嘅隨餐附送嘅嘢飲一啲都唔hea仲係一般台式嘢飲包裝食完可以拎出去慢慢飲當中最推薦就係盆栽奶茶 除咗奶茶之外仲有依家好興嘅賴蓋加埋脆卜卜嘅Orea碎 口感一流