柏 (已結業)

今日午飯時間入咗嚟尖沙咀呢度試咗一間新嘅日式居酒屋。入面嘅裝修非常之日系，全木嘅裝修，簡約精緻嘅擺設，打卡一流！雖然呢度都有午餐，企呢間居酒屋每日都有新鮮同埋特定嘅海鮮推薦，一定要預留肚嘅位置試試！今日有鮫鰈薄切同埋仙鳳趾蠔係限定菜式，兩樣都好吸引！鮫鰈薄切，唔係一種常見嘅刺身，白身魚嚟講味道都比較淡，但係因為啲碟刺身非常新鮮，所以細心啲慢慢食到嗰種鮮甜，再加埋個柚子醋，更加帶出魚嘅鮮味！北海道直送嘅仙鳳趾蠔好大隻好肥美呀！質感超滑超creamy呀，一啲都唔腥添！個碟都好靚呀！之後嘅茶碗蒸同埋麵豉湯都係真材實料，完全食唔到味精嘅味，味道清淡完全靠食材帶出佢嘅甜味！刺身丼超豪華！舖到勁滿！有帆立貝、八爪魚、金鯛、真鯛、油甘魚、大拖、三文魚子、海膽、赤身漬、牡丹蝦、鮑魚、玉子！全部都係一級水準！我最鍾意海膽同埋牡丹蝦，海膽好creamy，牡丹蝦好爽甜！呢一碗真係極滿足，食完一定夠哂能量撐到收工！串燒盛就係抵玩之選，某款火喉都控制得好好，雞翼有少少焦脆又唔會燒到好乾，師傅功力夠！有菜有肉真係唔錯！大根鮑魚！呢碟非常推薦！我覺得非常有驚喜，鮑魚好稔好入味，大根又吸哂鮑魚嘅精華，非常好食！最後店