興發明爐燒味

營業中

休息中

早幾日約左朋友係尖沙咀傾野，之後佢話想去燒味，所以就搵下尖沙咀邊到有燒味食，誤打誤撞走左去呢間興發入面，原來尖沙咀遊客區都有呢種高質茶餐廳😋🟡 叉燒油雞飯估唔到呢度叉燒咁出色，半肥瘦，香得黎又係啲肉咬下，而且油雞亦都好滑👍🏽 伴個蔥油唔會一味得個咸字，好味！🟡 芙蓉蛋飯一上枱就已經感覺到鑊氣十足，份量亦都驚人，芙蓉蛋大到完全見唔到啲飯，而且十分足料，有蝦有叉燒。🟡 凍咖啡茶餐廳嘅精髓一定係奶茶咖啡，呢到嘅凍咖啡夠晒香濃，係我係茶餐廳飲過最好飲之一👍🏽📍興發明爐燒味 (尖沙咀)尖沙咀亞士厘道8號地下