鶴亀 (已結業)

經過尖沙咀好想食拉麵，見到呢間拉麵評價都唔錯，就入一入去試吓啦！🍴辛辣豚骨沾麵 小辣 $93沾麵嘅湯好稀，小辣都唔算好辣，但係除咗辣到出唔到其他豚骨味，完全掛唔到個麵，似拉麵湯多過沾麵湯😂個麵比較粗，食落都彈牙。叉燒非常薄，師傅刀工比較厲害，切就好似紙咁薄，冇乜味，肥瘦適中，正正常常😂雞蛋有流心嘅，正常糖心蛋。🍴吉列芝士蝦球 $32新鮮熱辣，食落好脆，芝士係流心㗎，蝦肉都好彈牙，覺得好食過拉麵😂推薦指數: 6/10食物質素正正常常，食過咁多拉麵沾麵，味道都冇乜特別冇乜驚喜，覺得蝦球好食過拉麵😂稱唔上好食但食咗都唔會中伏，但亦都唔會想再食！