影片
更多
2024-09-23
819 瀏覽
諾士佛臺有無數間酒吧，但如果想靜靜地搵個地方，食下野、飲下酒、傾下計，真係少之有少。今次俾我發現呢間隱秘韓國餐廳，晚上仲要開到3AM，環境舒服安靜，服務員都係OPPA、阿珠媽，超韓，有置身韓國食野FEEL！一試小菜就知呢間韓國野好唔好威，6款小菜款款都好食，最愛牛蒡仔同小魚仔，未上菜都先食大半！🎎生拌牛肉 $258 💫8.5/10韓國最掛住就係呢個菜式，但香港唔係間間都做得好食。呢到超爽可以食殘廢餐，影完相打卡，店員會幫手撈均生牛肉、雞蛋、梨絲！調味幾好，唔會過咸，食到有梨本身嘅甜味，一啲都唔膩！2個人都絕對清得哂！如果可以有埋紫菜提供就更完美可以包黎食！🎎辣牛肉八爪魚鍋 $398 💫8/10叫左小辣，整體都好唔錯，一上枱超大份，有幾種菜、大量牛肉、八爪魚、粉絲，真係超滿足，飲埋馬格利，爽！有GAS爐不斷煮佢，食落熱辣辣！湯底甜甜地，蔬菜、粉絲勁入味，八爪魚好爽彈！不過份量多，3個人食會更好！🎎醬油蟹 $248 💫8/10叫左一隻蟹再加左錢要埋 BIBIBAB $58！店員會幫手將蟹蓋嘅膏撈落個飯度，賣相滿分，有埋生雞蛋、蟹籽、紫蘇葉、蔥，再撈埋蟹膏，幾豐富，但個飯太大，叫得一隻蟹蓋撈
諾士佛臺有無數間酒吧，但如果想靜靜地搵個地方，食下野、飲下酒、傾下計，真係少之有少。今次俾我發現呢間隱秘韓國餐廳，晚上仲要開到3AM，環境舒服安靜，服務員都係OPPA、阿珠媽，超韓，有置身韓國食野FEEL！
一試小菜就知呢間韓國野好唔好威，6款小菜款款都好食，最愛牛蒡仔同小魚仔，未上菜都先食大半！
🎎生拌牛肉 $258 💫8.5/10韓國最掛住就係呢個菜式，但香港唔係間間都做得好食。呢到超爽可以食殘廢餐，影完相打卡，店員會幫手撈均生牛肉、雞蛋、梨絲！調味幾好，唔會過咸，食到有梨本身嘅甜味，一啲都唔膩！2個人都絕對清得哂！如果可以有埋紫菜提供就更完美可以包黎食！
🎎辣牛肉八爪魚鍋 $398 💫8/10叫左小辣，整體都好唔錯，一上枱超大份，有幾種菜、大量牛肉、八爪魚、粉絲，真係超滿足，飲埋馬格利，爽！有GAS爐不斷煮佢，食落熱辣辣！湯底甜甜地，蔬菜、粉絲勁入味，八爪魚好爽彈！不過份量多，3個人食會更好！
🎎醬油蟹 $248 💫8/10叫左一隻蟹再加左錢要埋 BIBIBAB $58！店員會幫手將蟹蓋嘅膏撈落個飯度，賣相滿分，有埋生雞蛋、蟹籽、紫蘇葉、蔥，再撈埋蟹膏，幾豐富，但個飯太大，叫得一隻蟹蓋撈有啲唔夠喉，但紫蘇葉個味道令到個飯有畫龍點晴作用！醬油蟹有膏唔會太咸，幾鮮味。
🌟總括：價錢唔算特別平，但份量大，幾個人Share都冇問題。我見仲有幾張榻榻米座位，可以落簾，超級韓式，下次同朋友都可以試下。
張貼
