樂園 (已搬遷) 新店位置

尖沙咀食飯選擇多，cafe就少？！今次想密密傾下計，我地就揾左Happyland，上到去好在有位，無book都有！冷氣好足夠，坐得幾舒服，我地坐係小角有少少私隱，有哂不同game玩下。炭燒虎蝦番茄汁扁意粉$138。炭燒虎蝦，話明虎蝦係要大隻啲既，有兩隻都開邊有蕃茄汁，算爽既。扁意粉份量都係適中，煮得岩岩好，硬中帶軟身既，而唔係軟到無乜口感個隻呢。番茄汁同意粉係好配合，酸甜令大家食落有開胃作用。仲有青椒洋蔥帶少少健康。黑松露香煎鵝肝意大利飯$168再配香煎帶子刺身係$38。鵝肝煎得好香口，都算幾大件好食。油就一定有，但無食到一口油，份量都預得不錯呀。香煎帶子刺身大粒肉，煎得唔過火，唔老。咬落都仲有帶子味，而唔係得煎煎油味，肉質都厚！意大利飯飯量岩岩好一人，每粒飯都有汁包住哂，保持濕潤，唔會乾既。入面有少少洋蔥同菇類，更加帶出成個飯嘅香味。其中一個加左$15既餐飲杯金桔檸檬茶，冰涼清爽自選，飲落唔會太甜。勝在金桔味幾重呀，慢慢玩坐住飲好快飲完既都。依到環境幾舒服，又有wifi哈哈，服務好好。雖然得佢一個人，但佢都好快幫到手。尖沙咀既cafe選擇之一。