影片
更多
2017-08-05
74 瀏覽
無拉拉一個8號風球, 困在家成個上午, 好快風球除下, 見出面無咩風, 又無雨落, 於是我們便前往尖沙咀閒逛, 估唔到俾我搵到一間平民得來又非常好吃的餐廳. 這間位於K11商場附近的餐廳舖面不大, 內面是三個又後生又靚仔的哥哥仔做樓面, 由於是尖沙咀地區, 店內都有來自世界不同地區的遊客, 看他們不論是面對國內遊客, 還是外國遊客, 都能說上流利的普通話及英語, 加上他們個個都是後生靚仔, 在店內勤力服侍每一位食客, 我們還沒落order, 都已經感受到香港旅發局提倡的好客之道. 看他們的餐單, 原來非常多元化, 小到普通的雲吞, 大到精選海鮮都有得你叫, 我本人係好鐘意食雲吞的, 既然這間餐廳有雲吞食, 我就叫了一個上湯淨雲吞, 我媽媽鐘意食苦瓜, 我又叫了一個涼瓜炆排骨, 海鮮我就叫了一個豉汁蒸倉魚……… 好快, 上湯凈雲吞來到我面前, 大大碗白色的魚湯裡面飄浮著5-6粒雲吞, 仲有油綠綠的青菜在湯裡面, 看上去認真唔錯, 先飲一啖魚湯, D湯有魚的鮮甜味, 而且熱辣辣, 好似自己屋企煲嘅魚湯, D青菜浸在魚湯裡面, 又嫩又甜, 非常好吃, 最鐘意食的雲吞都無令我失望, 雲吞皮薄但
這間位於K11商場附近的餐廳舖面不大, 內面是三個又後生又靚仔的哥哥仔做樓面, 由於是尖沙咀地區, 店內都有來自世界不同地區的遊客, 看他們不論是面對國內遊客, 還是外國遊客, 都能說上流利的普通話及英語, 加上他們個個都是後生靚仔, 在店內勤力服侍每一位食客, 我們還沒落order, 都已經感受到香港旅發局提倡的好客之道.
看他們的餐單, 原來非常多元化, 小到普通的雲吞, 大到精選海鮮都有得你叫, 我本人係好鐘意食雲吞的, 既然這間餐廳有雲吞食, 我就叫了一個上湯淨雲吞, 我媽媽鐘意食苦瓜, 我又叫了一個涼瓜炆排骨, 海鮮我就叫了一個豉汁蒸倉魚………
好快, 上湯凈雲吞來到我面前, 大大碗白色的魚湯裡面飄浮著5-6粒雲吞, 仲有油綠綠的青菜在湯裡面, 看上去認真唔錯, 先飲一啖魚湯, D湯有魚的鮮甜味, 而且熱辣辣, 好似自己屋企煲嘅魚湯, D青菜浸在魚湯裡面, 又嫩又甜, 非常好吃, 最鐘意食的雲吞都無令我失望, 雲吞皮薄但不會林, 雲吞裡面有原隻鮮蝦, 啖啖肉, 又香又好味, Good!
跟住上來的豉汁蒸倉魚, D魚睇落非常新鮮, 有豆豉鋪在魚的最上面, 還有些蔥花, 倉魚面已被廚師界開了幾刀, 露出白色的魚肉, 我們將豉汁用湯匙淋上去魚肉度, 再將魚肉刮落來, 連埋蒸魚的豉汁一齊食, 魚肉鮮甜無骨, 啖啖肉, 而且D豉汁完全帶出魚的鮮香, 無論空口食, 亦或送飯, 都超好食!
媽媽最喜歡的涼瓜排骨上枱, 店家是用豆豉蒜蓉炆的, 苦瓜炆到不太林, 有D咬口但又唔怕硬, 啱啱好, 在口中咀嚼先有少少苦, 之後就是甘香, 而且D排骨炆到入晒味, 連媽媽都話好味! 無論他的上湯雲吞, 豉汁蒸倉魚, 抑或涼瓜炆排骨, 我都覺得好有住家餸feel, 樣樣菜式好味道不得止, 靚仔侍應待客都是殷勤有禮, 我諗我日後會多D來幫袝這間”聚點”, he he he…….
張貼
