Co-Dining Space (已結業)

尖沙咀一向多嘢食，今次去第一間樓上嘅餐廳同妹妹一起食晚餐。首先餐廳方便雖然地方細細但係環境都非常至好，乾淨得來柔和嘅燈光令到成個環境同氣氛好舒服。我哋叫咗三樣嘢食,首先係前菜黑松露大啡菇。 松露同大啡菇嘅味道配合得非常之好，大啡菇都非常新鮮，口感十足主菜方面我哋叫咗個燒春雞，同埋招牌麵包蟹意大利飯。燒春雞真係好大份，我覺得三個人食都唔過分。而且佢嘅燒汁配合得非常之夾。燒春雞嘅皮脆卜卜，雞肉都非常香滑， 值得推介！招牌麵包蟹意大利飯都非常驚喜，佢用咗蟹蓋嚟裝飯，啖啖飯都有蟹肉味，而且大大塊蟹肉係入邊，真係好正