影片
更多
2022-07-04
37 瀏覽
去到尖沙咀都唔知食咩好，見到有間樓上舖嘅米線，又唔係好貴喎就諗住試吓啦。冇諗過上到去個環境都幾舒適，好闊落，仲有Wi-Fi用添🤣佢哋嘅米線雖然冇譚仔咁平，但真係湯底香濃，超級大碗，真心咪好食過譚仔啊！🍴明火小鍋米線 $35 炸醬 $7 豬腩肉 $10 蘿蔔 $10 牛展 $15 小辣 $77 (8/10)一上枱嚇親，真係勁大碗！有五舊豬腩肉， 三塊牛展兩舊蘿蔔，啲芫荽，蔥，韭菜，芽菜好似唔駛錢咁勁多，食到最後唔知食緊米線定食緊芫荽蔥😂湯底好香濃，小辣唔辣，要咗普通酸者偏酸少少，辣度唔辣又開胃，唔會太鹹太辣，個湯幾好飲！米線偏幼好滑身好淋，蘿蔔有兩大舊，食落清甜冇渣，豬腩肉偏瘦，唔會太肥，好軟滑，似打邊爐嗰種！炸醬好香，微辣，撈米線一流，個人覺得好食過譚仔個炸醬，香口好多同埋冇咁稀！牛展切得比較薄，係好淋，有牛味！真心啲餸同埋湯底啊各方面都好好食，口感好豐富！🍴 雲南過橋 $65 小小辣 (7/10)朋友叫嘅雲南過橋米線真係超級大碗，大碗到啲米線要另上😂 有豬腩肉，雞中翼，紅腸，腸仔，冬菇，蟹柳，腐竹，牛展，超級多餸，雖然每樣都係得一舊，但啱晒選擇困難症嘅人啊！湯底呢就係唔辣嘅，比較偏酸
🍴明火小鍋米線 $35 炸醬 $7 豬腩肉 $10 蘿蔔 $10 牛展 $15 小辣 $77 (8/10)
一上枱嚇親，真係勁大碗！有五舊豬腩肉， 三塊牛展兩舊蘿蔔，啲芫荽，蔥，韭菜，芽菜好似唔駛錢咁勁多，食到最後唔知食緊米線定食緊芫荽蔥😂
湯底好香濃，小辣唔辣，要咗普通酸者偏酸少少，辣度唔辣又開胃，唔會太鹹太辣，個湯幾好飲！米線偏幼好滑身好淋，蘿蔔有兩大舊，食落清甜冇渣，豬腩肉偏瘦，唔會太肥，好軟滑，似打邊爐嗰種！炸醬好香，微辣，撈米線一流，個人覺得好食過譚仔個炸醬，香口好多同埋冇咁稀！牛展切得比較薄，係好淋，有牛味！真心啲餸同埋湯底啊各方面都好好食，口感好豐富！
🍴 雲南過橋 $65 小小辣 (7/10)
朋友叫嘅雲南過橋米線真係超級大碗，大碗到啲米線要另上😂 有豬腩肉，雞中翼，紅腸，腸仔，冬菇，蟹柳，腐竹，牛展，超級多餸，雖然每樣都係得一舊，但啱晒選擇困難症嘅人啊！湯底呢就係唔辣嘅，比較偏酸清淡少少🤏🏻
推薦指數: 8/10
如果去尖沙咀又想食米線嘅話不妨試吓呢一間，真係大碗又抵食，超級足料一定飽肚，湯底嘅話真係幾好飲好飲過好多米線鋪，絕對係好食過譚仔！真心食完個米線係可以飽足成日🤣
張貼
