影片
更多
2024-01-05
28 瀏覽
今日同朋友喺尖沙咀行完街諗住揾個chill啲嘅地方食嘢，行過見到間裝修幾靚嘅酒吧餐廳叫The Right Place就入咗去。佢有室內同室外嘅座位，我地就坐咗室內，有個大mon可以睇吓MV聽吓歌。打開佢本餐牌見到有唔少選擇，有啲仲打晒星星咁一定要試吓啦！我哋前菜嗌咗個拖羅蓉飛魚子牛油果檸檬蛋黃醬脆筒，脆筒雖然得4嚿，但每嚿都好足料，有春卷皮、吞拿魚蓉、飛魚子同埋酸酸地嘅牛油果檸檬蛋黃醬，都食到有唔同嘅層次同味道。主菜嗌咗2個，分別係烤三文魚柳墨魚汁意大利粉伴三文魚子同澳洲牛面頰肉醬溫泉蛋意大利粉。墨魚汁意粉食落好驚艷，墨魚汁掛晒喺意粉丄面好入味，烤三文魚完全唔乾食，食落仲有好重嘅魚油香味，配埋爽脆嘅三文魚籽同新鮮嘅蕃茄仔真係好好食。另外一碟牛面頰意粉都唔差，牛面頰煮到好稔身，個肉醬茄汁都足料，唔算太水或者太酸，仲有一隻半生熟嘅溫泉蛋喺面，整穿佢撈埋啲肉醬意粉食一流，鍾意聽住音樂食好嘢嘅人又多一個好好處！📍尖沙咀寶勒巷17-19號地舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊
打開佢本餐牌見到有唔少選擇，有啲仲打晒星星咁一定要試吓啦！我哋前菜嗌咗個拖羅蓉飛魚子牛油果檸檬蛋黃醬脆筒，脆筒雖然得4嚿，但每嚿都好足料，有春卷皮、吞拿魚蓉、飛魚子同埋酸酸地嘅牛油果檸檬蛋黃醬，都食到有唔同嘅層次同味道。主菜嗌咗2個，分別係烤三文魚柳墨魚汁意大利粉伴三文魚子同澳洲牛面頰肉醬溫泉蛋意大利粉。墨魚汁意粉食落好驚艷，墨魚汁掛晒喺意粉丄面好入味，烤三文魚完全唔乾食，食落仲有好重嘅魚油香味，配埋爽脆嘅三文魚籽同新鮮嘅蕃茄仔真係好好食。另外一碟牛面頰意粉都唔差，牛面頰煮到好稔身，個肉醬茄汁都足料，唔算太水或者太酸，仲有一隻半生熟嘅溫泉蛋喺面，整穿佢撈埋啲肉醬意粉食一流，鍾意聽住音樂食好嘢嘅人又多一個好好處！
📍尖沙咀寶勒巷17-19號地舖
位置就腳：🍊🍊🍊🍊🍊
餐廳環境：🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊
張貼
