泓居酒屋 (已結業)

最近去咗尖沙咀中港中心近頂層嘅一間居酒屋，環境幾舒服同寧靜，如果日光時間黎，落地大玻璃窗口仲可以見到九龍公園同尖沙咀綠油油景色，夜晚黎都可以見到尖沙咀夜景! 🔸免治雞肉棒 $68外皮燒得很酥脆，雞肉棒好嫩，混入雞軟骨同埋洋蔥幾有咬口，加埋溫泉蛋食永遠係最夾嘅配搭!👍🏻🔹明太子雞翼 $48 明太子鹹辣香口幾開胃，雞翼肉質細嫩，味道都幾唔錯!🔸豚肉西京燒 $48五花腩燒到焦香，岩岩好，口感嫩滑，同西京燒醬汁幾夾~🔹魷魚糯米飯 $88 幾特別嘅菜式，魷魚有咬口，煙韌糯米填滿曬魷魚筒，點埋醬汁食，更帶出鮮甜味，怕濃味嘅朋友可能會覺得有點鹹，但唔點汁食都唔錯~🔸白桃燒酌梳打 $68黎得居酒屋，梗係要點下燒酌，濃郁白桃香，令到燒酌味道更出，加入梳打水口感更清爽易入口!