陳師傅自製點心專門店

營業中

休息中

陳師傅自製點心專門店約咗朋友去尖沙咀一間新派點心飲茶,餐廳位於九龍尖沙咀金馬倫道56號地下,餐廳裝修簡約,環境光猛,乾淨衛生,餐廳主打廣東點心,餐廳用QR code落單,坐低店員推介特級紅棗枸杞子金絲皇頭冠菊花茶,服務員招呼夠體貼。金牌蝦餃皇蝦餃皇兩隻,從未食過咁大隻的蝦餃皇,皮薄餡靚,大大鮮蝦好彈牙。魚子燒賣皇燒賣皇上的魚子有口感,餡內豬肉肥瘦均勻,鮮蝦爽口鮮甜。炸蜆蚧鯪魚球帶有香茜味的炸鯪魚球入口爽彈,無腥味,點埋蜆蚧提昇鯪魚的鮮味。鮮蝦上湯水餃好飽滿的水餃,木耳爽口,鮮蝦彈牙,完美配搭,越食越惹味。脆皮銀絲腸腸粉皮不太厚又綿滑,中間炸到又香又脆的蘿筍絲味較濃,再點醬油更好味。流沙奶黃煎堆仔煎堆仔炸到金黃色,熱辣辣上桌,入口軟糯蛋王醬即時流出,香濃蛋王味在口內亂竄。