羅勇泰國粉麵 (已結業)

臨近聖誕，我就梗係要四出shopping買吓嘢裝身同買定party嘅聖誕禮物啦！M佬被迫陪我行咗成日，所以今晚食乜由佢話事！嚟到尖沙咀，想搵食又點少得去厚褔街啦！跟住M佬由街頭行到街尾，我哋就俾呢間藍色既招牌，主打船河嘅羅勇泰國粉麵吸引住，一於試試啦。串燒每次食泰國嘢點都好似要叫番幾串串燒，今日叫咗兩串雞翼同一串牛肉串。雞翼串燒多數都係雞全翼，但呢度係雞中翼，食落較方便；仲有啖啖肉，牛味香濃嘅牛肋肉。串燒嘅重點又點少得沙嗲醬呢？呢度嘅沙嗲醬有好多花生粒，椰香味十足，夠晒惹味。招牌什錦河招牌什錦河比泰國食嘅船河份量較多，配料有豬肉丸、魚旦、魚片、扎肉同通菜，而河粉係泰式粗河粉，好滑溜！而食泰國菜又點少得辣椒醋、醋、糖同乾辣椒粉呢，每碗都係獨一無二，你最喜歡嘅味道。滷水鴨肉飯滷水鴨肉顏色比較深，但唔算好鹹，夠入味。配上酸酸甜甜嘅鴨肉醬，好開胃！隨飯仲有椰子雞湯，相當滋潤。飛天炒通菜最後又點少得少少辣又惹味嘅飛天炒通菜呢？