彌敦左岸

營業中

休息中

朋友啱啱考完試想食餐好嘅，就揀咗嚟依度食西餐，順便飲杯嘢。喺星期一晚嚟講都算幾多人，餐廳有兩層，樓底夠曬高，weekend仲有live band演出添。美式芝士煙肉焗薯皮: 我哋點咗個大份嘅，總共有五件薯皮，無論係薯皮，以至上面嘅煙肉都非常香脆，最緊要係夠曬芝士👍🏻。烤西班牙黑毛豬扒: 黑毛豬扒表層煎得夠香脆，平時食豬扒最怕整到好似柴皮咁，呢個豬扒就整得鬆化，正合我心意。黑松露寬扁麵: 一上枱已經聞到松露味，食落唔會太鹹，唔錯。我嗌咗杯Sauvignon Blanc，朋友嗰杯係Chardonnay。整體嚟講，呢度氣氛一流，成晚都有唔少人係慶祝生日，食物水準幾好，同埋另一樣要讚既係服務員都幾有禮貌😊。