藍象泰國餐廳 (已結業)

呢間泰國餐廳走高檔路線，窗口位係落地玻璃，對住尖沙嘴嘅海景，環境一流！裡面嘅燈光昏暗，氣氛好有情調，食物賣相精緻而且味道好！泰式燒春雞最有驚喜、最意想不到地好食嘅一道菜。首先呢個雞有好多舊，每舊都好多肉，份量好足料。個雞燒得好好，皮好香脆，無咩太多皮下脂肪，肉又軟滑！至於個汁就簡直係呢度菜嘅精髓，裡面有唔同香料，味道近似泰式甜酸醬味道，調得好好食，同個燒春雞配搭個非常好！芒果軟殼蟹米紙卷軟殼蟹幾多肉，炸得金黃香脆，而且炸粉唔多，所以層炸皮幾薄，唔會俾人覺得好油膩。除左軟殼蟹，裡面包住粉絲、芒果、蘿蔔絲、生菜，食落好爽口。油鬆餅第一次食呢種鬆餅，質感好軟，炸得唔算太油，味道唔錯。香辣金不換豬頸肉炒飯呢個炒飯算係不過不失，洋蔥、蛋、豬頸肉一齊炒，豬頸肉切成小塊，肉幾爽滑。炒飯幾濃味，但香辣味唔算太突出，整體味道偏鹹少少。黑白糯米飯配泰國芒果糯米飯除左普通個種之外，仲有紫米飯，兩種嘅口感都好煙韌，飯上面分別係芒果漿同椰漿，好好食！芒果大塊又甜，而朱古力雪糕上面灑左烤香嘅椰子絲同脆片，將糯米飯、芒果、雪糕幾種唔同味道嘅野撈埋一齊食，真係好正！