醉胡爐 (已搬遷) 新店位置

豐富湯底先至係皇道；新鮮食材先至係皇者！天氣開始涼, 心思思又想打邊爐. 經過就係比呢間咁有特色咁多湯底選擇吸引左入去。餐牌上湯底有10幾款選擇，今次試左龍蝦海鮮湯底，未開始食之前店員提醒，可以先飲下個湯先。其實一開始時，係店員即席喺面前將一大隻龍蝦由生炒到熟, 龍蝦肉新鮮到不得了, 湯係以龍蝦頭熬成, 加上好多蜆, 洋葱, 西芹, 蕃茄, 唔怪得啖啖都咁濃稠咁鮮味啦！好正! 鮮到不得了。💯我地2個人食咁大隻龍蝦🦞肉份量勁大，原來入面仲有蜆、有青口、有鮑魚勁滿足，由於個湯太好味關係，所以飲左兩碗。🤭店員好細留意四周嘅食客，見到我地差唔多要”恰下恰下”就主動為我地加湯。