彤 (已結業)

尖沙咀呢一間廚師發板係第一次試。入到去見到有一個好靚嘅酒櫃，放滿左日本酒，氣氛幾好。以下有幾道菜想講下嘅。🌟最特別嘅係北海道產鱈魚白子，佢未煮之前好似一個白色腦部咁。熟左之後就充滿鹽燒香。佢係魚既精子，真係第一次試🤣🤣不過佢做得幾香口，所以味道唔怕，仲好creamy。🌟北海道赤貝壽司，爽口彈牙好鮮美；吞拿魚醬油漬壽司，赤身同中拖羅配搭一齊幾吸引。連埋入面紫蘇、蘿蔔、大蔥真係非常豐富。🌟最後想講呢一味外表好似一杯雪糕咁。入面有北海道馬糞海膽、富山灣白蝦、三文魚籽醬油漬。全部都非常新鮮。可以想像將隻蝦點上海膽同三文魚籽，林滑嘅蝦肉上面就會有好新鮮嘅海膽同埋爆漿嘅三文魚籽。🤩