影片
更多
2024-07-09
591 瀏覽
今日同朋友嚟尖沙咀食嘢，見到呢間Bar嘅門面幾吸引就入咗去試啦，門口嘅長樓梯擺有好多公仔，幾靚幾有feel。餐廳嘅環境都幾舒服，坐得闊落，環境光猛，幾適合同朋友嚟聚吓舊輕鬆吓。我哋嗌咗一個香辣蕃茄柚子牛柳意大利粉（$148）同埋一個夏威夷pizza（$148）。意大利粉嘅份量適中，擺設好靚，成個蕃茄掏空咗再放啲意粉入去，好有心思，最估佢唔到嘅係的確有少少辣，完全唔食得辣嘅可能要嗌其他嘢食，意粉都係比較硬身嘅，幾有咬口，牛柳煮得好腍，幾入味幾好食。Pizza俾我想像中大分，啲sauce落得好足，完全冇慳料，仲有滿滿嘅芝士同埋菠蘿火腿，咬落去都係爆汁嘅，超級滿足飽肚，建議要試吓！最後當然唔少得Cocktail啦，我哋嗌咗一杯 Long Island同埋Cosmopolitan，兩杯都係$88，唔算好貴，飲落都幾fresh，下次一定會叫埋朋友嚟再食！
我哋嗌咗一個香辣蕃茄柚子牛柳意大利粉（$148）同埋一個夏威夷pizza（$148）。意大利粉嘅份量適中，擺設好靚，成個蕃茄掏空咗再放啲意粉入去，好有心思，最估佢唔到嘅係的確有少少辣，完全唔食得辣嘅可能要嗌其他嘢食，意粉都係比較硬身嘅，幾有咬口，牛柳煮得好腍，幾入味幾好食。Pizza俾我想像中大分，啲sauce落得好足，完全冇慳料，仲有滿滿嘅芝士同埋菠蘿火腿，咬落去都係爆汁嘅，超級滿足飽肚，建議要試吓！
最後當然唔少得Cocktail啦，我哋嗌咗一杯 Long Island同埋Cosmopolitan，兩杯都係$88，唔算好貴，飲落都幾fresh，下次一定會叫埋朋友嚟再食！
張貼
