影片
更多
2024-12-20
0 瀏覽
人氣餐廳集團Wooloomooloo 開左一間價錢親民、裝修地道嘅Mooo! 主打fusion菜，份量同選擇都好適合一班人分享，地點係尖沙咀，真係為聖誕節約朋友而設呀🎄午餐時間有超抵套餐，主菜+凍熱飲品，$20可以加配沙律或者甜品。我哋叫咗香煎比目魚加配沙律，沙律好大份足夠兩人食，比目魚非常嫩滑，有埋飲品性價比好高👍🏻黯然銷魂慢煮澳洲西冷牛扒牛肝菌煲仔飯 ＄248澳洲西冷牛扒切成小塊，五成熟，配上牛肝菌、半熟煎蛋，米飯都裏上特製醬汁，最後當然唔少得飯焦啦，打開嗰蓋已經聞到好香。香脆蝦多士🦐 $98賣相精緻，多士香脆可口，蝦餡好彈牙，配上鹹香蛋黃醬簡單一流，好想再叫多碟！酥脆鵪鶉、牛油洋蔥及醃青瓜🐦 $138本身仲好擔心鵪鶉同西式夾唔夾，但係鵪鶉炸到脆口，肉質依然嫩滑帶汁，鋪係底嘅牛油洋蔥及醃青瓜有啲似德國酸菜，好開胃，緩解咗肉類嘅油膩，一定要食晒啲配菜！原條牛骨髓慢煮牛腩威靈頓🐮 $288獨家招牌菜式之一，需要25分鐘製作時間，建議一坐低就嗌定。威靈頓酥皮一切開就見到軟腍牛腩，仍保留住肉汁，酸甜口味牛腩肉碎配上烤焗後逼出嘅油脂同骨髓組織，香味四溢，加少少酥皮就會有多重口感。菜式都融合得
午餐時間有超抵套餐，主菜+凍熱飲品，$20可以加配沙律或者甜品。我哋叫咗香煎比目魚加配沙律，沙律好大份足夠兩人食，比目魚非常嫩滑，有埋飲品性價比好高👍🏻
黯然銷魂慢煮澳洲西冷牛扒牛肝菌煲仔飯 ＄248
澳洲西冷牛扒切成小塊，五成熟，配上牛肝菌、半熟煎蛋，米飯都裏上特製醬汁，最後當然唔少得飯焦啦，打開嗰蓋已經聞到好香。
香脆蝦多士🦐 $98
賣相精緻，多士香脆可口，蝦餡好彈牙，配上鹹香蛋黃醬簡單一流，好想再叫多碟！
酥脆鵪鶉、牛油洋蔥及醃青瓜🐦 $138
本身仲好擔心鵪鶉同西式夾唔夾，但係鵪鶉炸到脆口，肉質依然嫩滑帶汁，鋪係底嘅牛油洋蔥及醃青瓜有啲似德國酸菜，好開胃，緩解咗肉類嘅油膩，一定要食晒啲配菜！
原條牛骨髓慢煮牛腩威靈頓🐮 $288
獨家招牌菜式之一，需要25分鐘製作時間，建議一坐低就嗌定。威靈頓酥皮一切開就見到軟腍牛腩，仍保留住肉汁，酸甜口味牛腩肉碎配上烤焗後逼出嘅油脂同骨髓組織，香味四溢，加少少酥皮就會有多重口感。
菜式都融合得好唔錯，選擇豐富，而且份量大適合分享，推薦招牌菜式牛骨髓威靈頓、香脆蝦多士以及煲仔飯，牛扒質素好又處理得恰當，果然係牛扒專家！
張貼
