影片
更多
2018-04-20
2054 瀏覽
每次去尖沙嘴都唔知食咩好，因為實在太多嘢可以揀，但得自己一丁友去食又食唔到幾多嘢，所以好多時都係食吓小食或者食碗麵就算，查到有間拉麵店新開，有比較少見嘅櫻花蝦沾麵，試吓無壞。由於係新開而且係三點幾鐘，無咩客人係件幾正常嘅事。店裡嘅裝修都真係幾樸素，木枱同木色筷子好似食魚蛋河咁嘅款，加上一個唔知係特色定係甩色嘅牆身，其實成件事幾時光倒流又意外地夾。沾麵有四款而且有得揀冷暖麵，要食就梗係食冷麵嘅。除咗沾麵仲有三款拉麵，仲可以揀麵嘅軟硬度，或者走唔走蔥筍，細節位做得幾足啵。上枱喇﹗睇個樣都幾足料，沾汁嘅櫻花蝦鋪到滿晒，沾麵除咗叉燒溏心蛋筍乾蔥呢幾樣基本嘢之外，仲有海帶芽呢個味噌湯常客。一手摸落碗沾汁度，個碗熱到辣手即時一縮，好明顯個碗係比沾汁更加熱，咁樣做就有保溫效果。雖然小處有著眼，但沾汁就不過不失，個汁唔會過鹹亦食到蔬菜嘅清甜，唔需要加湯割都可以成碗飲晒。另外櫻花蝦的確用咗唔少，但一清晒櫻花蝦個汁就無晒蝦味，不如攞部份蝦去煮沾汁咪仲好。沾麵呢邊都係大堆頭，啲配料基本上冚晒成碗麵。但佢真係得個樣唔錯，沾麵係結實得嚟無彈性，口感自然唔好，無落鹼水可能係原因，但其實可以喺麵粉上著手，其他舖頭無
由於係新開而且係三點幾鐘，無咩客人係件幾正常嘅事。店裡嘅裝修都真係幾樸素，木枱同木色筷子好似食魚蛋河咁嘅款，加上一個唔知係特色定係甩色嘅牆身，其實成件事幾時光倒流又意外地夾。
沾麵有四款而且有得揀冷暖麵，要食就梗係食冷麵嘅。除咗沾麵仲有三款拉麵，仲可以揀麵嘅軟硬度，或者走唔走蔥筍，細節位做得幾足啵。
上枱喇﹗睇個樣都幾足料，沾汁嘅櫻花蝦鋪到滿晒，沾麵除咗叉燒溏心蛋筍乾蔥呢幾樣基本嘢之外，仲有海帶芽呢個味噌湯常客。
櫻花蝦沾麵
$93
46 瀏覽
0 讚好
0 留言
一手摸落碗沾汁度，個碗熱到辣手即時一縮，好明顯個碗係比沾汁更加熱，咁樣做就有保溫效果。雖然小處有著眼，但沾汁就不過不失，個汁唔會過鹹亦食到蔬菜嘅清甜，唔需要加湯割都可以成碗飲晒。另外櫻花蝦的確用咗唔少，但一清晒櫻花蝦個汁就無晒蝦味，不如攞部份蝦去煮沾汁咪仲好。
櫻花蝦沾麵
$93
47 瀏覽
0 讚好
0 留言
沾麵呢邊都係大堆頭，啲配料基本上冚晒成碗麵。
但佢真係得個樣唔錯，沾麵係結實得嚟無彈性，口感自然唔好，無落鹼水可能係原因，但其實可以喺麵粉上著手，其他舖頭無鹼水味得嚟都可以彈牙，無理由做唔到嘅。
而叉燒可以話係燈影叉燒，三塊加埋都唔夠人地一塊厚，除咗要讚一下刀功外，就梗係要彈塊叉燒無咬口，切到咁薄完全食唔出究竟入唔入味，尚幸有啲火炙味點綴下，成件事無咁寡。
櫻花蝦沾麵
$93
23 瀏覽
0 讚好
0 留言
溏心蛋個樣的確係溏心嘅，但係睇色水就知唔夠入味，軟熟度可以但好細粒，照計細細粒應該容易入味先係嫁…
櫻花蝦沾麵
$93
15 瀏覽
0 讚好
0 留言
老實講呢度嘅基本功真係做得麻麻，有注意到細節位，主動加水同埋禮貌良好係件好事，但去餐廳食嘢，梗係嘢食質素排先。仲要拉麵唔係平嘅菜式，以呢度嘅定價，其實有更抵更好食嘅選擇啦，不過開業初期，應該有進步空間嘅。
張貼
