一起果醬 (已結業)

上網見到評價唔錯，一於試下啦。一入到去同金髮嘅女侍應對話時，佢已經無乜禮貌。坐低叫完野食之後，過左10分鐘上左野飲，之後就一直無任何野上。我地叫嘅係dinner set，有沙律又有湯，真係唔明點解可以落左單成45分鐘先上到。雖然味道唔差，但食材嘅潔淨度有待提升，食食下大蝦，見到咁大條蝦腸真係唔多開胃。食完真係想快啲走，想埋單嘅時候發現兩個侍應唔見左，原來佢地坐低左食野，結果叫左好耐先幫到我地埋單。餐廳收嘅價錢唔係平，質素唔高，服務又差。絕對唔會再食，浪費我地嘅時間同金錢。