串王之王 - 正宗成都串串火鍋 (已結業)

睇咗某YouTuber介紹呢間野，好似唔錯，所以突登嚟試下。環境ok，因為根本無咩人，唔駛等位，又有好多空位。食物質素實在唔值呢個價，2個人賣單，88折埋都接近$600，叫個駌鴦窩，藥膳得個咸字、麻辣中規中矩，無食過肥牛、無海鮮，只食左31串（每串一兩粒肉）、菜。咁嘅價位，係同區打邊爐或食麻辣嘢真係仲有更好選擇。服務態度懶懶閒，2set碗碟杯都痴咗好多毛、塵，唔知係咪擺係檯面太耐，都算啦，叫侍應換套新，好似好打搞你，真係麻煩晒。賣單時先知原來有收茶水錢，仲收得唔平，但食野時唔叫加茶都唔會有侍應主動黎加。咁嘅服務態度+食物質素+定價係唔會再嚟，亦唔推薦。