影片
更多
2024-01-14
72 瀏覽
星期六晚上同朋友想食個飯後甜品，見到新XX 有介紹，就黎試下啦，點知食完之後成肚氣☺️當我地排到隊頭，有個女店員就問我地幾多位，之後就好快咁擰轉身對空氣講野，隱約只係聽到「等一等….xxxxxxxxx」咁我地就繼續企係門口等啦，等左一陣之後見佢係收銀果度黑面，然後揮手叫我地入去…原來係先比錢再入坐～暫時感覺都ok 嘅，溝通有少少誤會姐，同埋人地講吾正廣東話，我地聽唔真，係我地吾好～☺️之後都順利入坐嘅，但係一坐低已經覺得座位嘅設計有啲問題，由於枱同座位都係固定嘅，枱同凳都有一定距離，Pat Pat 要坐到最邊邊先可以靠近張枱食甜品…咁可能我地人生得吾夠高啦，手短腳短，最高果位朋友都係得167cm 咋，所以先要坐凳邊～張枱未抹乾淨就比客呢啲就小事啦，最緊要叫佢都肯抹～😌坐得吾舒服都吾緊要～都係食個甜品姐😌味道一間再講～重點想講嘅係啲店員真係好勤力，好努力咁想幫我地收拾餐具😌明明個碗入面都仲有幾啖糖水，佢己經想收走佢，明明仲係食緊嘅😌當我地一邊食一邊傾計好開心果陣，黑面女店員就冇啦啦衝過嚟同我地講：時間差唔多要還枱.我地都黑人問號，因為我地只係入座左30分鐘， 而仲有大約1/3嘅甜品係未食…
當我地排到隊頭，有個女店員就問我地幾多位，之後就好快咁擰轉身對空氣講野，隱約只係聽到「等一等….xxxxxxxxx」
咁我地就繼續企係門口等啦，等左一陣之後見佢係收銀果度黑面，然後揮手叫我地入去…
原來係先比錢再入坐～暫時感覺都ok 嘅，溝通有少少誤會姐，同埋人地講吾正廣東話，我地聽唔真，係我地吾好～☺️
之後都順利入坐嘅，但係一坐低已經覺得座位嘅設計有啲問題，由於枱同座位都係固定嘅，枱同凳都有一定距離，Pat Pat 要坐到最邊邊先可以靠近張枱食甜品…咁可能我地人生得吾夠高啦，手短腳短，最高果位朋友都係得167cm 咋，所以先要坐凳邊～張枱未抹乾淨就比客呢啲就小事啦，最緊要叫佢都肯抹～😌
坐得吾舒服都吾緊要～都係食個甜品姐😌味道一間再講～重點想講嘅係啲店員真係好勤力，好努力咁想幫我地收拾餐具😌明明個碗入面都仲有幾啖糖水，佢己經想收走佢，明明仲係食緊嘅😌
當我地一邊食一邊傾計好開心果陣，黑面女店員就冇啦啦衝過嚟同我地講：時間差唔多要還枱.
我地都黑人問號，因為我地只係入座左30分鐘， 而仲有大約1/3嘅甜品係未食… 咁我地都未食完，咁梗係吾理佢密密食啦… 我地身邊都有幾張枱係早過我地入嘅，但係都冇催佢地…
過多15分鐘， 我地終於差吾多食完，期間啲staff 係咁行黎行去，睇下我地食完未，想快啲收走我地啲碗，個感覺都幾差💩
當我地一食完，黑面女店員就即刻走埋嚟同我哋講已經夠鐘要交枱…我地忍唔住問其實係限時幾耐，原來係得45分鐘！
比錢買甜品同埋入座時係冇一個staff 有通知我地得45分鐘， 店舖亦冇張貼任何告示！咁係我地衰嘅，食又食得慢，又冇問情楚，結果食到食肚氣～☺️
早啲講食幾耐嘛～早知就吾食佢，又唔係特別好食…
講返味道，其實個芋泥仙草雪花冰係吾錯嘅，吾會太甜，香芋奶蓋都好香滑，雪花冰有仙草拉絲係幾特別嘅，不過未好食到一定要食囉…
我地仲食左芋泥桃膠盛盤同埋桂花圓仔綠豆爽盛盤，芋泥桃膠盛盤正正常常，個人吾太中意佢放左啲杏仁片係面，我覺得吾太夾…
桂花圓仔綠豆爽盛盤係3 樣甜品入面最甜嘅，好香桂花味，但綠豆係用嚟包鹹肉糭果啲綠豆，個人覺得啲綠豆好硬…吾太中意…
總結：味道正常，吾介意食得趕急，吾需要好好享受甜品，又吾介意受氣嘅可以試下幫襯🤗
張貼
