匠伊兵衛 (已結業)

因為第二日要做姊妹團, 想養精蓄銳, 所以決定今年生日食lunch慶祝! 想搵啲平靚正o既set lunch, 見到IHEI有, 之前諗住同爹哋媽咪嚟慶祝佢哋結婚週年紀念又冇嚟到, 所以揀咗佢喇~ Set Lunch選擇超過十款, 對於我呢個有選擇恐懼症o既人嚟講, 真係有難度~ 擾攘咗一輪, 我哋最終揀咗以下食物 :- 牛肉火鍋定食 : 個湯底好清, 冇乜油, 又夠味, 用嚟煮烏冬都好正! 媽咪話啲牛肉好滑, 肥瘦度適中- 燒銀鱈魚定食 : 呢個係爹哋o既飛佛, 去度邊間日本餐廳都一定叫嚟試~ 銀雪魚燒得好靚, 肥美但又冇乜雪藏味, 個燒汁就略為喊咗少少, 爹哋就話伊呂波o既好食啲- 鰻魚飯定食 : 抵食!! 個set有三文魚刺身, 前菜, 味噌湯, 天婦羅, 鰻魚飯....下次要叫呢個! - 什錦刺身壽司飯定食 : 呢個set就有碗蒸蛋, 前菜, 天婦羅, 魚生壽司飯同埋烏冬~ 魚生麻麻地, 媽咪覺得個蒸蛋好食, 個烏冬都好彈牙o架~- 鐡板牛扒定食 : 牛扒個樣都幾吸引, 冇over cook, 個炒飯都係冇乜油o架~ - 伊兵衛特製便當 : 其實即係"公司便當", 乜都