影片
更多
2022-12-24
249 瀏覽
行開尖沙咀都必經金巴利道，最近發現金巴利道多左好多新餐廳，見到有人派傳單，加上天氣凍凍地就去左【花月宮】，聽個名好似去左古代的宮廷一樣。餐廳裝修好靚好高貴，好多卡位，而且座位寬敞。另外仲有3間VIP房，房入面每枱至少10-12人，其中兩間仲可以打通，岩晒黎近聖誕新年有聚會既朋友仔。餐廳用QR code落單，為左方便大家，亦有安排紙質版，非常貼心。 - 湯底 -⦁花月宮特色四格鍋 $268睇完餐牌就俾個「特式四格鍋」吸引住😍，每格湯底非常足料，想試晒咁多口味嗌尼款就岩，性價比好高！ 1️⃣四川麻辣鍋尼款夠麻夠辣，非常重口味！入面仲有蜂巢豆腐、鴨血，尼兩款都系食辣必加既吸湯配料，食唔夠先再嗌！2️⃣黑松露野菌鍋勁濃菇既香味，加埋淡淡既黑松露味，湯底愈食愈濃，加左3次高湯都keep住菇既香味。3️⃣番茄濃湯海鮮鍋唔好以為佢係好普通既番茄湯，除左番茄夠多，仲要有埋薯仔，飲落好似屋企煲開既湯咁！4️⃣藥膳花雕花膠醉雞鍋尼款真心要讚‼️上起爐果陣，店員已經提醒我地，當湯底滾起可以放雞件、花膠等落去，再等下一次滾起便可食雞。時間控制到好好，雞肉滑嫩，湯底藥材味濃，聞落又有淡淡既花雕酒味。真心講尼格湯底既雞，我都可以
- 湯底 -
⦁花月宮特色四格鍋 $268
睇完餐牌就俾個「特式四格鍋」吸引住😍，每格湯底非常足料，想試晒咁多口味嗌尼款就岩，性價比好高！
1️⃣四川麻辣鍋
尼款夠麻夠辣，非常重口味！入面仲有蜂巢豆腐、鴨血，尼兩款都系食辣必加既吸湯配料，食唔夠先再嗌！
2️⃣黑松露野菌鍋
勁濃菇既香味，加埋淡淡既黑松露味，湯底愈食愈濃，加左3次高湯都keep住菇既香味。
3️⃣番茄濃湯海鮮鍋
唔好以為佢係好普通既番茄湯，除左番茄夠多，仲要有埋薯仔，飲落好似屋企煲開既湯咁！
4️⃣藥膳花雕花膠醉雞鍋
尼款真心要讚‼️上起爐果陣，店員已經提醒我地，當湯底滾起可以放雞件、花膠等落去，再等下一次滾起便可食雞。時間控制到好好，雞肉滑嫩，湯底藥材味濃，聞落又有淡淡既花雕酒味。真心講尼格湯底既雞，我都可以食到好飽😅！
- 配料 -
⦁三色滑 $128
三款口感都好滑，干貝滑鮮甜、鮮蝦滑啖啖蝦肉、墨魚就普通左d。個人覺得可以散叫干貝滑或者蝦滑。
⦁風花雪月餃子拼盤 $168
餃子拼盤有6款包括蛋餃、韮菜餃、鮮蝦雲吞、鳳城水餃、野菌黑松露餃、重慶辣子雞肉餃，每款兩粒。每粒餃都好用心，而我最鍾意蛋餃🍳好種蛋香味、野菌黑松露餃落埋落松露湯底更加香濃入味、重慶辣子雞肉餃🌶️佢唔系雞肉滑而係無骨雞件，仲帶少少辣！尼三款係比較有特色之餘，口感仲要好好！可以單點👍🏻👍🏻
⦁薄切牛舌心 $88
切得厚薄適中，食落唔會韌，仲好香牛味。
⦁新鮮牛黃喉 $88
牛黃喉係心既血管，淥1-2分鐘就食得，爽口彈牙，唔會覺得漏。
- 其他 -
⦁汽水 $15/罐
⦁酒品、茶飲
⦁醬料費 $18/位
✨尖沙咀新張期間全單9折（酒水除外）✨
1 瀏覽
0 讚好
0 留言
花月宮特色四格鍋
2 瀏覽
0 讚好
0 留言
三色滑
1 瀏覽
0 讚好
0 留言
風花雪月餃子拼盤
4 瀏覽
0 讚好
0 留言
薄切牛舌心
1 瀏覽
0 讚好
0 留言
新鮮牛黃喉
1 瀏覽
0 讚好
0 留言
張貼
