元氣一杯

營業中

休息中

今日晏就同啊媽食飯，佢帶左我去食呢間日本餐。餐廳好有正宗日式風格，而且見到有吾少日本人去食， 已經令人好期待。第一眼見到餐牌覺得價錢略貴，餐牌無圖文並茂，不果就列出好多款式，而且中英日文都有，吾識中文都可以叫到餐。今次我地叫左吉列炸蝦咖哩飯及鹽燒鯖魚定食，兩個餐到左之後就發現物超所值，每一個餐都包括前菜，甜品，味噌湯。而且每個餐至少兩個前菜，仲要正餐份量好多，一個人食一個餐都有少少難度。吉列炸蝦咖哩飯，日式咖哩帶微辣及煮得好香，咖哩汁多過飯好多，炸蝦炸得好脆。咖啡同炸蝦配合令人食慾大增。鹽燒鯖魚定食，鯖魚燒得剛剛好，吾會太老。跟餐附送一個篜蛋，篜蛋味道淡而且好滑，可以清一清味蕾。