梔子

營業中

休息中

今日喺尖沙咀美麗華行完街，正想放低一身嘅戰利品，優優閒閒咁食返個下午茶。諗左一陣，我決定去返平時成日經過但未有機會試嘅咖啡店。呢間位於山林道嘅咖啡店，名為梔子，亦即係雞蛋花。門面位置有一張長形high table, 坐喺嗰度可以望住山林道嘅街景，不過當日落住毛毛細雨，我都係坐返入去室內位置。我點左一份 手工海綿蛋糕配海鹽芝士鮮忌廉。忌廉十分厚而挺身，單從紋理已經可以提出佢嘅質感。海棉蛋糕都幾厚，蛋香味亦算豐富，但係如果做得更加鬆軟就好啦。海鹽味嘅忌廉鹹中帶甜，同蛋糕都幾配襯。