影片
更多
2014-07-25
2254 瀏覽
滿心歡喜想再來一次滿江紅，真係受氣多過享受食物!真係今時今日咁樣的服務態度!!乜鬼爛地方？食客開心來消費，換來是一個態度極劣的招待？老實講，滿江紅的食物質量係好的，值得贊的，但偏偏管理上很差，環境衛生已經不算好，員工返工仲要俾客人受氣？話說我同朋友夜晚8點15分左右就到達滿江紅，當時唔見有太多食客，第一層細檯已經坐滿人，剩返大檯，但都係佔客1半，接待叫我們再上一層就有檯，當上到2樓~人客佔左4份1，唔叫多人食，先有一位男人格女侍應招呼我同朋友，示意我地去坐一張4人檯，而我發現4人檯個屏風後有張2人檯，於是好聲氣去問個侍應可唔可以坐2人檯，個侍應一下子態度極差，我地好似踩中佢條尾一樣，手指一指4人檯，冇尾音兼串串地地講:坐呢張，入面唔開°跟手將4人檯其中2個位餐具收起，又叫我地坐埋牆去，基本上兩個人坐張4人圓檯已經好大，仲要坐靠牆一邊已經覺得很逼，而且我們的手袋也不小，我和朋友都想坐在圓檯外面，但佢依然堅持要我們坐入去，我同朋友都白了眼，跟住個侍應好似點左火一樣，繼續自我燃燒，第一次招手唔該落單，明明見到都扮聽唔到，直行直過…但暫時全個2樓只有佢一個侍應，我和朋友都感到非常無奈，之後第2
話說我同朋友夜晚8點15分左右就到達滿江紅，當時唔見有太多食客，第一層細檯已經坐滿人，剩返大檯，但都係佔客1半，接待叫我們再上一層就有檯，當上到2樓~人客佔左4份1，唔叫多人食，先有一位男人格女侍應招呼我同朋友，示意我地去坐一張4人檯，而我發現4人檯個屏風後有張2人檯，於是好聲氣去問個侍應可唔可以坐2人檯，個侍應一下子態度極差，我地好似踩中佢條尾一樣，手指一指4人檯，冇尾音兼串串地地講:坐呢張，入面唔開°跟手將4人檯其中2個位餐具收起，又叫我地坐埋牆去，基本上兩個人坐張4人圓檯已經好大，仲要坐靠牆一邊已經覺得很逼，而且我們的手袋也不小，我和朋友都想坐在圓檯外面，但佢依然堅持要我們坐入去，我同朋友都白了眼，跟住個侍應好似點左火一樣，繼續自我燃燒，第一次招手唔該落單，明明見到都扮聽唔到，直行直過…但暫時全個2樓只有佢一個侍應，我和朋友都感到非常無奈，之後第2次唔該佢落單，佢可以眼超超咁企埋黎，唔出聲，等我地講野…我地好慢咁講左一次我地要個2人餐…再加個霸王辣子田雞，佢可以完全無視我地，用筆篤篤個餐牌，問多次我地要乜，我同朋友真係火都黎!但為左我地d餸冇加料情況下，忍佢!後尾有另一個細細粒的女侍應出現，我同朋友特登係佢門前話另外個女侍應態度其差，我偷睇到佢地咬完耳仔之後，個男人婆侍應行埋黎問我地需唔需要轉返去2人檯，我地都已經坐好當然就拒絕佢，呢位阿姐真係無論神情，語氣，態度都極之惡劣，難明點解仲被僱用，簡直就係趕客!初初以為我地唔知咩事得罪佢先咁對我地，點知後尾黎左對情侶…佢態度依然極串極差!我同朋友都見到果對情侶表情都極為無奈!呢位阿姐對客人態度差，工作態度都十分差，執檯都火氣十足，將d野掉黎掉去，完全當客人冇到!真係俾個服字佢。結果…我地叫的霸王辣子田雞沒有來過，變了霸王辣子雞……見到個阿姐咁樣，我地都費事去換過…滿江紅呀滿江紅!我真係好欣賞你的美食，但員工的質素可否好點，做唔到好，但請不要這樣惡劣吧！你教我如何再有回來的念頭呀？!
離開時忍不住向1樓男經理投訴一下…但並唔覺男經理有細心聽我地投訴，只係輕輕拋低一句:會跟進。嗰一刻終於明白男人婆侍應今時今日個待客態度是這樣練成的!經理，係跟進先好!!
口水雞好好味，適當的麻辣味，雞也很滑
水煮魚，嫌太多碎骨，魚肉都幾新鮮
清炒時菜用來調和口腔的麻麻辣辣，不過略嫌炒過龍，太腍
原本的霸王辣子田雞變了碎雞件…味道是好味的，愈食愈麻
張貼
