炉端金 (已結業)

男朋友超中意食燒肉，所以作為一個貼心既女朋友，當然會搵啲高質之餘又物有所值既燒肉放題同男朋友食。除了有燒肉外，一般日式放題有既嘢呢度都有。雖然燒肉類得一張紙，但係牛肉是高質類，仲有我最愛既澳洲和牛同一口牛柳粒。刺身估唔到刺身都幾新鮮，而且上枱擺位絕不馬虎，好過旺角放題既質素，三文魚厚切之餘又超肥！澳洲和牛、牛舌、牛柳粒喜歡澳洲和牛油脂分佈平佈，牛脂在口中溶化的感覺好有罪惡感喔！牛柳粒、七味手羽、厚切五花腩五花腩超正，燒到脆卜卜再沾燒肉汁，可惜無得叫花菜包住嚟食！天婦羅 個天婦羅蝦炸得唔錯，炸粉不會好厚。榴蓮年糕、香芋年糕男朋友話呢粒榴連年糕一定要叫，外皮被炸得卜卜脆，一咬落去入面榴連汁馬上流出嚟，正！甜點種類有好多，可以自己去雪櫃自取，有馬卡龍、芝士蛋糕同布甸等。當然不少得有我最愛的movenpick雪糕仼食啦，食多幾杯感覺賺返唔到。總括嚟講，人均三百左右就有甘高質既澳洲和牛又有movenpick雪糕仼食都幾抵，下次會再嚟食！