影片
更多
2019-03-30
1538 瀏覽
點心代表最近出咗獨角獸系列🦄真係不容錯過嘅打卡之地！Let's go!黑松露蝦多士 $49👍🏻👍🏻好多黑松露醬啊😍😍舊蝦肉都份量多，釀左落去塊多士入面😝😝炸得啱啱好，點埋泰式甜酸醬，好好味！我下次再食都一定會點呢一款嘢食😋😋白胡椒豬肚雲吞湯 $49👍🏻胡椒味超重，飲落都幾唔錯☺️我鍾意佢嘅雲吞，估唔到一碗湯都有三粒咁多，大大粒，好足料！😋而豬肚有三舊，希望可以多啲🤗日本蟹子螺片燒賣$58燒賣皮係綠色嘅，螺片加埋好多粒蟹子，口感好特別：）好友鮮蝦帶子餃$58餃子皮相印咗唔同嘅獨角獸圖案，粒帶子都算幾大粒㗎！幻彩小籠包 $48小籠包嘅餡同坊間差唔多，中規中矩啦。上菜嘅時候熱辣辣，食嘅時候要小心咁啜d湯汁☺️皮可以薄少少。幻彩蝦餃皇 $48賣相就吸引啦，味道ok，佢嘅肉質同好友鮮蝦帶子餃一樣。招牌奶黃流沙包 $48搣開個包嘅時候，流晒啲餡出黎，餡嘅味道正常😉記住要趁熱食啊，如果個包凍左就味道爭啲啦鮮牛乳彩虹啫喱杯$48本身以為啫喱應該得幾粒，點知成個杯都係啫喱，好豐富份量好多！鮮芒果紫糯米卷$48👍🏻呢個甜品我係最鍾意食㗎🤤芒果好鮮甜再配合紫糯米卷，正呀！原味椰皇$48👍🏻椰皇上邊有一層彩虹皮🌈
黑松露蝦多士 $49👍🏻👍🏻
好多黑松露醬啊😍😍舊蝦肉都份量多，釀左落去塊多士入面😝😝炸得啱啱好，點埋泰式甜酸醬，好好味！我下次再食都一定會點呢一款嘢食😋😋
白胡椒豬肚雲吞湯 $49👍🏻
胡椒味超重，飲落都幾唔錯☺️我鍾意佢嘅雲吞，估唔到一碗湯都有三粒咁多，大大粒，好足料！😋而豬肚有三舊，希望可以多啲🤗
日本蟹子螺片燒賣$58
燒賣皮係綠色嘅，螺片加埋好多粒蟹子，口感好特別：）
好友鮮蝦帶子餃$58
餃子皮相印咗唔同嘅獨角獸圖案，粒帶子都算幾大粒㗎！
幻彩小籠包 $48
小籠包嘅餡同坊間差唔多，中規中矩啦。上菜嘅時候熱辣辣，食嘅時候要小心咁啜d湯汁☺️皮可以薄少少。
幻彩蝦餃皇 $48
賣相就吸引啦，味道ok，佢嘅肉質同好友鮮蝦帶子餃一樣。
招牌奶黃流沙包 $48
搣開個包嘅時候，流晒啲餡出黎，餡嘅味道正常😉記住要趁熱食啊，如果個包凍左就味道爭啲啦
鮮牛乳彩虹啫喱杯$48
本身以為啫喱應該得幾粒，點知成個杯都係啫喱，好豐富份量好多！
鮮芒果紫糯米卷$48👍🏻
呢個甜品我係最鍾意食㗎🤤芒果好鮮甜再配合紫糯米卷，正呀！
原味椰皇$48👍🏻
椰皇上邊有一層彩虹皮🌈有一種幾夢幻嘅感覺，其實同出邊食嘅甜品唔係相差好多。
玫瑰桃味沙冰$59
有一隻獨角獸嘅氣球杯墊🎈杯嘢飲即刻昇華咗😻
鮮藍莓可必思沙冰 $38
有淡淡的藍莓香味，勁大杯，可以拎走飲添
張貼
