石澗日本料理 (已結業)

未試過一個月食兩次放題, 仲要同一間, 不得不讚石澗真係物超所值! 首先我兩次打去訂位都好快有人聽, 問佢地收費都會好詳細咁講, 唔會好似唔耐煩咁~ 兩次我都地食晚9-12既時段(11點last order), 雖然我地早左去佢都會俾我地入座先, 一到9點就可以正式入單~ (當然只限有訂位既人士, 如果無訂, 就要係門口等架~~~)第一次係5月1(星期二), 當日可能好生意, 我地未入單佢已先聲明無晒甜蝦, 雖然有D失望(因我男友係甜蝦既粉絲), 但好彩佢仲有赤貝,帆立貝,馬刀貝同半熟蝦任食~~~ 第一輪叫既刺身全部到齊, 已令我地有個好印象, 因為出面好多放題都會將你個order自動打折, 叫10件得5-6件, 但呢度唔會, 要俾個讚! 第二次係5月18(星期五), 今次終於有甜蝦! 上面張相就係我地既刺身, 見到都開心~~~樣樣都好新鮮, 尤其是甜蝦 (可能上次食唔到, 今次有覺得特別好味)! 除左刺身, 佢地既炸物同燒物全部都係即叫即整, 雖然要等, 但我覺得總比其他上得快但原來一早整好凍鬼晒既食得開心好多~ 仲有鍋物同烏冬都不能錯過, 牛肉鍋足料但唔係平價既肥膏肥牛, 烏冬煙韌