影片
更多
2009-04-02
5 瀏覽
要寫呢篇食評唔難, 原來最難嘅地方是不知從何入手, 起筆呢吓嘢的確考起我 今次係我第7次organize 呢個gathering, 每一年要諗去邊到聚會的確好傷腦筋, 吸取咗咁多次經驗, 我今次決定選擇上樓cafe, 原因係上樓cafe係室內空間, 唔會受天氣影響; 其次係一大顆人食完嘢之後仲可以傾計, 飲嘢同玩吓咁! 經過多次research之後, 我決定選擇這裡.....先講食物方面: 選擇呢間cafe係因為佢provide嘅食物同飲品與其他cafe有分別, 佢做到的係真正buffet 咁, 食物同飲品會源源不絕咁供應, 其他好多地方就做唔到啦! 環境: 成個場都好乾淨企理, 氣氛都幾好! 位置: 雖然係正大街, 一出地鐵站行3分鐘就到, 但係個門口實在難搵. 地址上講到明仙宮樓直上, 但係原來座大廈無門牌, 完全係靠估咁上去, haha~~~ !今次個gathering有20人出席, 我地包起咗佢成個場! 由於party plan只係包咗7款食物, 最後我加多幾款, 而每款食物都只係收多 $2/pax, 一啲都唔貴law!!! Salad - Caesar Salad (由於m
今次係我第7次organize 呢個gathering, 每一年要諗去邊到聚會的確好傷腦筋, 吸取咗咁多次經驗, 我今次決定選擇上樓cafe, 原因係上樓cafe係室內空間, 唔會受天氣影響; 其次係一大顆人食完嘢之後仲可以傾計, 飲嘢同玩吓咁! 經過多次research之後, 我決定選擇這裡.....
先講食物方面: 選擇呢間cafe係因為佢provide嘅食物同飲品與其他cafe有分別, 佢做到的係真正buffet 咁, 食物同飲品會源源不絕咁供應, 其他好多地方就做唔到啦!
環境: 成個場都好乾淨企理, 氣氛都幾好!
位置: 雖然係正大街, 一出地鐵站行3分鐘就到, 但係個門口實在難搵. 地址上講到明仙宮樓直上, 但係原來座大廈無門牌, 完全係靠估咁上去, haha~~~ !
今次個gathering有20人出席, 我地包起咗佢成個場! 由於party plan只係包咗7款食物, 最後我加多幾款, 而每款食物都只係收多 $2/pax, 一啲都唔貴law!!!
Salad - Caesar Salad (由於menu無包, +$2/pax)
Main Course - 德意志啤酒雞扒;
白汁海鮮焗飯;
招牌炒意粉
Snacks - 炸芝士薯條(由於menu無包, +$2/pax);
芝士肉醬薯蓉;
瑞士雞翼;
蜜糖炸燒賣; (+$2)
司華力腸 (+$2)
Dessert - Fruit Platter; (免費送的, 額外加3款食物, 其中一款免費)
tiramisu; (2lb, $208 * 10%off = $187.2)
mango cheese cake; (1lb, $98 * 5% off = $93.1)
blueberry cheese cake (1lb, $98 * 5% off = $93.1)
Drink - 汽水, Coffee or Tea
各款食物嘅味道都好好, 特別是店主PETER推介嘅薯蓉, 食得出係手打薯蓉, 而唔係用薯粉開嗰隻! VERY GOOD!
另外蛋糕都好多人讚好好味! 正!
芝士薯條舖滿好多芝士呢......... 好味! 我本人特別喜愛
總括一句, 呢度嘅出品比起我係旺角某啲CAFE所做的好得多! (係除咗雞翼食咗隻唔係好熟嘅之外, 不過當我講俾店主知嘅時候, 佢即時幫我攞走再整過)
再值得一讚嘅係店主PETER好細心, 佢不停咁幫我地REFILL啲食物! 最重要嘅係, 當我地玩遊戲嘅時候, 佢好主動咁攞好多調味品出嚟俾我地加料助興TIM!!!
張貼
