野玩田店 (已搬遷) 新店位置

隊長生日飯，本來想食串燒，不過有朋友重感冒初癒，想食d清淡d既野，諗起行過K11新果個corner有間野玩系列既餐廳，朋友睇過都話食到就決定改食呢間。之前都有幫襯過港島另一間野玩山店，再次幫襯九龍既野玩田店，入去感覺舒服過山店好多，因為地方闊落，而且光猛好多，唔似山店甘黑，食到想訓覺。坐低先叫左野飲、湯同小食，我叫左杯香茅荔枝茶，味道就淡左d，不過就有好幾粒荔枝𡁻下；朋友就叫左個紫薯湯，上檯時大家都嘩然，因為個湯好紫下，飲落都好重紫薯味，紫薯迷要試！小食個黑松露甜薯好好味，粒粒蕃薯個面都被甜甜既糖漿包住，食唔停口！再叫左個焗大啡菇，都幾juicy，無話焗完乾爭爭；仲有個雜菇意大利飯同肉丸寬條麵，我會覺得寬條麵好食d，因為個麵似以前「麻布x房」既屏屏麵，即係似切碎左既千層麵，佢大大塊，可以沾到多d汁。最後到主菜黑毛豬鞍架，肉質就un左少少，不過就厚切，好襟食！相對上鍾意野玩田店多一點，由舒適既環境，到多菜少肉既菜式，田店比山店更勝一籌！