影片
更多
2022-08-26
9425 瀏覽
半島酒店嘅夜晚buffet收費係$928/位，佢冇分時限，由6:00開始入座可以食到10點，基本上世界各地嘅所有美食都集於一身，佢位於一樓嘅露台餐廳，窗外景色可以望到維港景色，裝修非常典雅，佢哋用咗波希米亞手制嘅水晶吊燈，低調得嚟又夠奢華，而餐廳都有獨立嘅房間，而眾所周知佢哋嘅服務係buffet界數一數二，今日就等我嚟介紹吓The Verandah既必食推介😋😋😋(太多美食不能盡錄敬請原諒)🥗沙律冷盤方面，佢哋有各式各樣唔同國家款式沙律，玉子豆腐配蟹肉沙律，紅菜頭鷹嘴豆，羽衣甘藍沙律菜等，我比較鍾意佢嘅鷹嘴豆同埋羽衣甘藍，唔係到到嘅buffet都有咁偏門嘅食材，但佢哋無論醬料方面又或者沙律菜都非常多選擇，鷹嘴豆本身平平無奇，但佢有豐富嘅營養價值，經過醬料嘅配搭原來味道都唔錯，至於羽衣甘非常嫩，絕對唔會好似出邊嗰啲食到有渣👍🏻👍🏻值得推介🦞另外備受矚目嘅就係海鮮冷盤，佢哋包括有龍蝦尾，蟹腳，東風螺，青口，帶子，大蝦等，所有嘅海鮮都係非常新鮮，絕對唔洗驚冇，佢哋係會無限refill，只要冷盤上面清空，佢哋會即刻係冰櫃拎出添加，包保新鮮，我比較鍾意食嘅係佢嘅龍蝦味，佢哋會開邊，每一隻都非常爽
🥗沙律冷盤方面，佢哋有各式各樣唔同國家款式沙律，玉子豆腐配蟹肉沙律，紅菜頭鷹嘴豆，羽衣甘藍沙律菜等，我比較鍾意佢嘅鷹嘴豆同埋羽衣甘藍，唔係到到嘅buffet都有咁偏門嘅食材，但佢哋無論醬料方面又或者沙律菜都非常多選擇，鷹嘴豆本身平平無奇，但佢有豐富嘅營養價值，經過醬料嘅配搭原來味道都唔錯，至於羽衣甘非常嫩，絕對唔會好似出邊嗰啲食到有渣👍🏻👍🏻值得推介
🦞另外備受矚目嘅就係海鮮冷盤，
佢哋包括有龍蝦尾，蟹腳，東風螺，青口，帶子，大蝦等，所有嘅海鮮都係非常新鮮，絕對唔洗驚冇，佢哋係會無限refill，只要冷盤上面清空，佢哋會即刻係冰櫃拎出添加，包保新鮮，我比較鍾意食嘅係佢嘅龍蝦味，佢哋會開邊，每一隻都非常爽口彈牙，差唔多有一隻手版嘅大細， 必食推介😍😍
❤️🔥另外一款主打菜式係磯煮鮑魚，呢款呢款係每一位都會推介嘅海鮮，佢係冷盤嚟，經過炆煮後原隻呈上，亦都會幫你將每一隻起蓋，非常細心，佢嘅口感好有咬口，亦都好鮮，味道唔算好濃郁，始終佢係海鮮輕輕調一調味就已經好好食🤤🤤
🐖另外想介紹一下嘅係佢個西班牙白毛豬火腿配蜜瓜，成隻火腿拎出續片切俾你，非常之新鮮，味道非常濃郁，風乾後嘅鮮味仍然保存，蜜瓜又夠甜，一齊食真係一流，自己自製既prams Ham冇得輸😆😆
🍣到日本刺身方面佢哋有三文魚，吞拿魚，油甘魚，甜蝦，帶子，馬刀貝等，刺身方面所有都係新鮮切制，壽司都有非常多嘅選擇，每一件都係比較的骰，方便你可以試唔同既款式😆😆
🍲熱盤方面佢哋有泰式蒸扇貝同各種嘅肉類，扇貝每一隻都鋪上粉絲同調味，食落有啲juicy，遺留喺扇貝上面嘅汁非常有鮮味👍🏻，另外肉類方面有美國肉眼，燒羊腿，另外佢哋配左約克郡布甸，無論係牛定係羊，佢哋都係新鮮切出嚟，另外有唔同嘅醬汁俾你揀，兩款嘅肉質非常鮮嫩，好重肉味，口感唔錯😋，另外比較特別嘅就係佢個約克群布甸包，其實都唔係好清楚係來自邊個國家，但佢嘅質感幾特別，唔係好似布甸又唔係好似包類，但係佢有一種葡撻軟咗嘅皮咁，包本身係冇乜味，但如果佢配埋肉類食，味道又幾新奇😌
🍇，🍨食到咁上下開始試甜品同水果，佢嘅水果有西瓜，哈密瓜，提子同埋藍莓，比我想像中款式有啲少，不過藍莓係buffet都係比較少有，所以都可以接受，另外甜品方面佢哋有各式各樣既甜品，蛋糕類，泡芙，朱古力，麵包布甸同雪糕等，必食嘅係佢哋半島手工朱古力，同埋都係自家製嘅雪糕，佢嘅朱古力呈半圓形，睇落去平平無奇，但食落非常重嘅可可味，又唔會好甜，反而有一種清香嘅感覺，而佢既自家製雪糕我就揀咗比較特別嘅百香果味，佢嘅雪糕非常滑，味道亦都十分香濃，真係固唔錯😍😍
最後要提一提嘅就係佢哋嘅服務態度，聽人講得多，自己親身感受嘅係第一次，佢哋嘅服務態度真係冇得輸，非常有禮貌地幫你換碟，加水，最特別嘅就係佢會係你食緊冷盤嘅時候準備濕紙巾俾你😍，當出去拎嘢食嘅時候，因為要拎一碗好熱嘅粉，廚師非常窩心，會幫你拎埋去你自己嘅位度，而佢哋亦會非常樂意地幫你影相，我地就咁過左個非常愉快嘅晚上❤️❤️
張貼
