馬祖台灣養生湯麵館 (厚福街)

營業中

休息中

今日去到尖沙咀做嘢，工作完結後想吃返啲嘢補補身子，喺網上見揾到有間食藥膳湯麵，望落似比較舒適就入去了。的而似確，店舖係乾淨企理，燈光冷氣就柔和，坐得舒服嘅。叫咗個藥膳桃膠農場雞手工麵午膳套餐，包涷飲品，呢間藥膳就無咁重中藥材味，因為落嘅紅棗比較多，反而係有少少偏紅棗味藥膳湯。每一啖湯底都帶有少少紅棗的甜味。而碗麵的桃膠唔係得幾粒，都半個拳頭咁多，食到最後都仲有，補充返晒膠原蛋白。而啲手工麵條，口感亦少少煙韌彈牙，同時都索咗少少藥膳湯汁入去，食咗唔少麵好少可以做到咁樣，呢個手工麵做得唔錯。農場雞雞味濃郁，肉質鮮嫩滑口；肉多骨少！雞件又多，雞胸，雞翼，雞翼尖都有齊！叫咗兩個小食，鹽酥墨魚春卷，墨魚保有墨魚鮮味，鹽酥的味粉可口惹味。藥膳上湯大甲芋頭貢丸，貢丸新鮮之餘都有一粒粒分明的芋頭粒，兩者很不錯。特別叫咗個特飲愛文芒果茉莉花茶，飲落比較甜，比較偏向芒果甜味，但仍然飲到淡淡的茉莉花香味。