鮨真

營業中

休息中

今次嚟咗尖沙咀亞士厘道一間食日本菜嘅餐廳食午餐，專門食廚師發板，環境都幾舒服，落地大玻璃可以望到尖沙咀景象，仲可以坐喺師傅面前睇住佢哋整壽司。午餐揀咗個廚師發板5款刺身+5款壽司，套餐仲包左麵豉湯、沙律、蟹肉蒸蛋同甜品。蟹肉蒸蛋好足料，滿滿嘅蟹肉！刺身方面有深海池魚、帶子、拖羅、太刀魚同新鮮青魚，師傅建議我哋由白身魚開始食起，味道又清到濃。刺身食落新鮮，唔會雪到好硬身，每件都切得厚身，值得推介嘅係太刀魚，燒過，厚身得來有油脂香味！壽司方面，有深海池魚、銀鱈魚、金目鯛、三文魚子軍艦同海膽軍艦。深海池魚沾上醬油，唔使特別調味！好少食銀鱈魚壽司，食落魚香十足！金目鯛，帶點爽口！兩款軍艦都鋪滿滿滿嘅三文魚子同海膽，食落好滿足！雪糕有開心果味同藍莓味。