鼎泰豐 (已結業)

幾年無食鼎泰豐，今日心血來潮，好想食小籠包，就即刻諗起去呢間。我哋兩個人，叫左小籠包（6粒）（$66），紅燒牛肉湯麵（$92）及紹興酒醉雞（$80）。值得一讚係紅燒牛肉湯麵，個湯底味道好濃郁，食落去無味精，兩舊牛展同埋牛筋煲煮得好淋，很好吃！另外，由於侍應見到我哋仲食緊麵，小籠包上菜時，幫我們預先蓋起，所以食嘅時候，仍然很熱。小籠包仍然保持一貫的水準，比起出邊好多上海餐廳嘅做得好食。而醉雞的味道就比較普通，下次會想試埋招牌菜嘅蝦肉煎餃。