影片
更多
2021-07-23
2463 瀏覽
好味指數😋😋😋😋回頭指數 - 零開心指數😡用餐體驗指數🥵🥵🥵🥵🥵本身對呢間高級中菜酒家滿心期待，響ICC 嘅101樓，可以享受靚景靚裝修嘆好味中餐... 去到，雖然天氣唔好，係響雲層中咁，不過睇住D雲飄下飄下咁... 都唔錯丫～ 裝修都幾elegant... 環境係幾舒服～ 點知... 跟住就出事啦😞💢突然間聽到好恐怖嘅卡拉OK 聲！原來佢有間房，係有卡拉OK，隔音係有嘅，不過因為本身環境清幽帶輕音樂聲，而那間房又經常開門，所以不時傳來大嬸們恐怖嘅金曲歌聲！🙉💢咁貴嘅餐廳，茶杯係裂嘅～💢呢個係發生響尾段，除咗開party 嘅卡拉OK 房，仲有另一間房有「X總宴客」，行去洗手間時不斷聽到入面勁嘈劈酒呀咁（還好用餐地方唔太聽到），跟住去到洗手間就見到好恐怖嘅畫面😱🥶🤢，就係成個洗手盤都係嘔吐物，我差D將成餐食咗嘅嘢都嘔返晒出嚟🤮其實佢哋一直都有專責侍應照顧住食客，發現到有人飲到嘔，係咪都應該去通知清潔跟足D呢～ ‼️‼️‼️講返佢嘅食物，其實係幾好食嘅... 🍴幟哥燒腩叉（$268）叉燒半肥瘦，咬落去肉質好爽口，肥嘅部分好有油香味，調味剛剛好，好濃蜜糖味，係好好食，食到唔想停，不過份量算係少嘅～
回頭指數 - 零
開心指數😡
用餐體驗指數🥵🥵🥵🥵🥵
本身對呢間高級中菜酒家滿心期待，響ICC 嘅101樓，可以享受靚景靚裝修嘆好味中餐... 去到，雖然天氣唔好，係響雲層中咁，不過睇住D雲飄下飄下咁... 都唔錯丫～ 裝修都幾elegant... 環境係幾舒服～
點知... 跟住就出事啦😞
💢突然間聽到好恐怖嘅卡拉OK 聲！原來佢有間房，係有卡拉OK，隔音係有嘅，不過因為本身環境清幽帶輕音樂聲，而那間房又經常開門，所以不時傳來大嬸們恐怖嘅金曲歌聲！🙉
💢咁貴嘅餐廳，茶杯係裂嘅～
💢呢個係發生響尾段，除咗開party 嘅卡拉OK 房，仲有另一間房有「X總宴客」，行去洗手間時不斷聽到入面勁嘈劈酒呀咁（還好用餐地方唔太聽到），跟住去到洗手間就見到好恐怖嘅畫面😱🥶🤢，就係成個洗手盤都係嘔吐物，我差D將成餐食咗嘅嘢都嘔返晒出嚟🤮
其實佢哋一直都有專責侍應照顧住食客，發現到有人飲到嘔，係咪都應該去通知清潔跟足D呢～
‼️‼️‼️
講返佢嘅食物，其實係幾好食嘅...
🍴幟哥燒腩叉（$268）
叉燒半肥瘦，咬落去肉質好爽口，肥嘅部分好有油香味，調味剛剛好，好濃蜜糖味，係好好食，食到唔想停，不過份量算係少嘅～
幟哥燒腩叉
$268
178 瀏覽
1 讚好
0 留言
🍴薑蔥爆桶蠔煲（$320）
煲仔上時勁熱辣辣，蠔有大概5隻，有3隻大，2隻勁細，有勁多蔥... 食咗一隻大蠔，係幾新鮮，味道好，有煲仔少少焦香嘅風味！唔錯！
薑蔥爆桶蠔煲
$320
57 瀏覽
0 讚好
0 留言
🍴千葉豆腐（$80/位）
好考刀工嘅一個餸，豆腐片好薄，中間有D青紅椒同菇粒～
千葉豆腐
$80
47 瀏覽
0 讚好
0 留言
🍴荷塘素燴（$200）
賣相好靚，外圍係小棠菜，跟住用番茄圍起一個球型，入面有黃耳、雲耳、銀杏，打咗少少獻汁，健康之選！
荷塘素燴
$200
92 瀏覽
0 讚好
0 留言
🍴蟹肉燴稻庭麵（$80/位）
上面有頗多蟹肉，肉質爽又鮮甜，稻庭麵夠滑又煙韌，湯汁有少少蟹粉味夠濃郁！
蟹肉燴稻庭麵
$80
37 瀏覽
1 讚好
0 留言
🍴蛋白生磨杏仁茶（$45）
杏仁茶好滑，惟有少少唔夠濃厚
蛋白生磨杏仁茶
$45
26 瀏覽
0 讚好
0 留言
🍴始創楊枝甘露（$45）
都幾多料，味道夠濃
始創楊枝甘露
$45
20 瀏覽
0 讚好
0 留言
🍴擂沙湯丸（$15/粒）
正常
擂沙湯丸
$45
18 瀏覽
0 讚好
0 留言
今次嘅用餐體驗一度令我懷疑人生！🤯我究竟去咗邊？靚海景環境高級，服務都算唔錯，完全唔使自己掂茶壺，會有人記得邊個飲緊咩嘢，可惜... 可惜... 可惜... 我一度懷疑自己去咗地區酒樓，隔板後面有堆大嬸唱緊金曲！定係我去咗劈酒場定夜店有好恐怖嘅廁所呢😵
咁嘅價錢有咁嘅用餐體驗，真係好難回頭，或者又係我唔好彩啦！🙅🏼♀️🙅🏼♀️🙅🏼♀️
張貼
