影片
更多
2025-02-09
1738 瀏覽
早排出咗尖沙咀食鐵板燒，今日又嚟到尖沙咀食日本嘢，不過，唔喺鐵板燒喇，而喺同啲老死嚟到海防道一間樓上鋪居酒屋「852居酒屋」食吓各種日本料理。老友就頗鍾情去日本旅行，亦特別喜歡食日本嘢，所以，今次同佢聚舊自不然揀番日本嘢啦！一出電梯就喺餐廳，佔全層樓面，地方都頗大。從電梯位望入去，左邊喺爐端燒吧位，如果單單只打算食串燒，飲吓酒，就好建議考慮坐呢度，既可以睇住師傅整串燒，又可以跟師傅交流吓。而另一邊，就好居酒屋格局，環境昏暗得嚟，又打咗射燈，啱晒我影食物相啦，此外，淺木色系設計，加上滿天花掛上日式燈籠，牆上貼上浮世繪插畫，氣氛輕鬆，極具居酒屋氛圍。食日本嘢，除咗美食，唔少得欣賞佢啲餐具，就好似一早放晌枱上嘅個人用餐碟，有寓意吉祥嘅仙鶴圖，非常精緻。其後載住餸菜嘅餐碟，亦非常漂亮。再講講食物有咩揀，由於喺居酒屋，所以，選擇特別多，由刺身、壽司、卷物、酒肴、天婦羅、炸物、一品料理、食事、串燒、甜品……等等一應俱全。飲品方面，酒精及非酒精都有唔少選擇，當然，清酒就更加唔少得啦。最欣賞喺加咗唔少手繪菜式嘅插圖，令餐牌變得更靚仔。如果唔想太心煩，「冬日暖流二人前」應該就喺最好嘅選擇，一來已包咗刺身
一出電梯就喺餐廳，佔全層樓面，地方都頗大。從電梯位望入去，左邊喺爐端燒吧位，如果單單只打算食串燒，飲吓酒，就好建議考慮坐呢度，既可以睇住師傅整串燒，又可以跟師傅交流吓。
而另一邊，就好居酒屋格局，環境昏暗得嚟，又打咗射燈，啱晒我影食物相啦，此外，淺木色系設計，加上滿天花掛上日式燈籠，牆上貼上浮世繪插畫，氣氛輕鬆，極具居酒屋氛圍。
食日本嘢，除咗美食，唔少得欣賞佢啲餐具，就好似一早放晌枱上嘅個人用餐碟，有寓意吉祥嘅仙鶴圖，非常精緻。其後載住餸菜嘅餐碟，亦非常漂亮。
再講講食物有咩揀，由於喺居酒屋，所以，選擇特別多，由刺身、壽司、卷物、酒肴、天婦羅、炸物、一品料理、食事、串燒、甜品……等等一應俱全。飲品方面，酒精及非酒精都有唔少選擇，當然，清酒就更加唔少得啦。最欣賞喺加咗唔少手繪菜式嘅插圖，令餐牌變得更靚仔。
如果唔想太心煩，「冬日暖流二人前」應該就喺最好嘅選擇，一來已包咗刺身、海鮮、小食、燒物拼盤、食事、甘味共6道菜，以電話預訂更送清酒一支（100ml），二來個定價又幾吸引。
此外，仲有啲店家嘅推介菜式，以及「當店自慢」嘅菜式，即喺店家嘅拿手菜。如果，有選擇困難症嘅客人，就不妨縮窄少少範圍晌呢兩組菜式中揀揀。
順帶一提，見牆上貼咗張「歡樂時光」及「清酒放題」嘅優惠，前者有3款組合選擇（2杯酒精/無酒精飲品＋1款小食），供應時間為17:30-20:00，星期一至四；後者就喺任飲清酒2小時，喜歡飲酒嘅客人真喺唔好錯過。
味噌野菜盛合 $88西餐通常就嚟一道沙律菜作頭盤開開胃，而今次食日式就先上一道新鮮嘅野菜盛盒，碟上有多款野菜：甘筍、紅心大根、青瓜、椰菜，夠新鮮固然喺重要啦，而賣點喺佐以味噌，仲要一連3款各有特色嘅味噌，最得歡心喺中間深色嘅一款，味道帶點甜，有少少似我哋粵式嘅海鮮醬，友人就偏好最左邊嘅麥粒味噌。
鵝肝多士 $58上多一道小食，鵝肝多士夠邪惡，件鵝肝更要喺大大件，煎得油潤甘香，外層有少少脆口，裡面卻喺粉嫩細滑，滿滿鵝肝嘅豐腴油香，配以烘得香脆嘅多士，大滿足。
鵝肝多士
$58
0 瀏覽
0 讚好
0 留言
3款刺身拼盤 $168跟住上場嘅喺刺身，無論所用嘅餐碟，抑或刺身嘅賣相，都非常之亮麗。刺身有赤身、油甘同三文魚，色澤鮮潤，喺新鮮度嘅明證，味道鮮甜，油潤肥美，加上件件厚切，正呀喂！
3款刺身拼盤
$168
0 瀏覽
0 讚好
0 留言
晌刺身類別中，仲有一款特色菜，將中拖羅角切，加埋牛油果粒同日本雞蛋黃，將其撈勻放入口，味道好特別，油潤脂香，而啲雞蛋好濃蛋香，包裹住每粒中拖羅同牛油果，口感更黏滑。
雜錦天婦羅 $148下一道菜又輪番熱食，仲要喺熱焫焫嘅天婦羅，炸得一身薄薄金衣，入口香脆不油膩，足見炸功了得。當中，包括咗海老、冬菇、茄子、辣椒仔、蕃薯及南瓜，每樣食材都好鮮美。
雜錦天婦羅
$148
0 瀏覽
0 讚好
0 留言
一品料理類別中，先試咗鵝肝多士，再落嚟喺牛油帶子，由於用鐘鐵板盛上，食到尾仲保持一定熱度。帶子煎得香氣十足，富牛油香味，又爽口彈牙，伴以大量洋蔥同本菇，好食。
鐵板牛油帶子
$98
0 瀏覽
0 讚好
0 留言
自家製玉子燒 $68玉子燒可揀鰻魚或明太子，我哋呢碟喺配明太子，看似平平無奇，實際喺好有內涵。首先蛋卷嫩滑而富濃郁蛋香，裡面捲住好多上明太子，鹹香有個性。
自家製玉子燒
$68
0 瀏覽
0 讚好
0 留言
煙燻鰆魚 $78晌門口黑板之上嘅「當店自慢」（店家拿手菜），有一款鰆魚，唔喺多春魚喔，聽來幾特別。試咗一客，一客3件，雖然話煙燻，但近乎魚生，色澤深紅有光澤，魚味鮮，帶濃濃煙燻味，頗為特別。
煙燻鰆魚
$78
0 瀏覽
0 讚好
0 留言
甘味盲盒 $58最後喺甜品時段，唔想煩就最好點呢一款「盲盒」，一客有3款迷你最中餅，打開一睇內餡有紅豆蓉、黑芝麻麻糬雪糕同黃豆粉蕨餅，貫徹日本菜賣相要精緻，再伴以士多啤梨同香印提子。小弟就試咗清甜嘅紅豆餡，而友人都話佢試嘅都好食，尤其蕨餅口感軟糯帶煙韌。
見有唔少客人都有小酌幾杯，雖然我哋都唔好酒，但整體好氣氛，一樣好感受到晌居酒屋那份輕鬆自在，到步第一個感覺好重要，一出電梯已有好好嘅觀感，好好嘅氛圍，可以講嬴在起跑線先。再者，各款食物都好有特色，又有水準，確喺一個聚腳嘅好地方。
張貼
