影片
更多
2010-03-18
19 瀏覽
聽聞1882 既pizza好食,今日終於有機會食喇!下午茶時段:9”Pizza: Pepperoni,無乜餸,我知道傳統薄餅係咁既,而且餅底係薄既。味道好食,不過朋友說,今日D餡比較油,而且餅邊脆得黎韌。Wrap: Roasted Chicken Salad Wrap,粉粉的皮好厚,更加感覺餡好少。側邊裝飾生菜”Nga”晒位,扮晒份量足夠.....哼!鮮蝦三文治,麵包烘過,好脆,燒蝦好食,連埋蕃茄粒食,幾juicy。跟餐的「豆丁」Tiramisu,大部份是Mascarpone Cheese,欠缺酒味,中間零零捨捨擺件小小Angel finger,又無浸腍過,韌痴痴。熱朱古力,侍應提醒,比較濃。濃極,都估唔到,o係非食朱古力既地方,會做出朱古力漿飲品ga ma!咁杰咁濃,根本唔適合用來拌食。Mochax2。飲左一啖,無乜朱古力味,咖啡味濃D,都好好飲。埋單時,店員問我地,D野啱唔啱食。我同佢講,個pizza好似翻焗咁,條邊好韌。佢好似好驚訝咁講,呵…係ar?唔好意思。係囉「唔好意思」,都無用啦,都食左咯!係咪應該要保證,往後質素要嚴謹D呢?
下午茶時段:9”Pizza: Pepperoni,無乜餸,我知道傳統薄餅係咁既,而且餅底係薄既。味道好食,不過朋友說,今日D餡比較油,而且餅邊脆得黎韌。
Wrap: Roasted Chicken Salad Wrap,粉粉的皮好厚,更加感覺餡好少。側邊裝飾生菜”Nga”晒位,扮晒份量足夠.....哼!
鮮蝦三文治,麵包烘過,好脆,燒蝦好食,連埋蕃茄粒食,幾juicy。
跟餐的「豆丁」Tiramisu,大部份是Mascarpone Cheese,欠缺酒味,中間零零捨捨擺件小小Angel finger,又無浸腍過,韌痴痴。
熱朱古力,侍應提醒,比較濃。濃極,都估唔到,o係非食朱古力既地方,會做出朱古力漿飲品ga ma!咁杰咁濃,根本唔適合用來拌食。
Mochax2。飲左一啖,無乜朱古力味,咖啡味濃D,都好好飲。
埋單時,店員問我地,D野啱唔啱食。我同佢講,個pizza好似翻焗咁,條邊好韌。佢好似好驚訝咁講,呵…係ar?唔好意思。
係囉「唔好意思」,都無用啦,都食左咯!係咪應該要保證,往後質素要嚴謹D呢?
張貼
