CHEF STAGE de Eddy Chu (已結業)

朋友極力推薦話呢間位於尖沙咀亞士厘道，要上樓嘅餐廳景觀唔錯，可以遠望到整個灣仔會展中心，加上食物質素有保證，所以趁今日有時間就相約去試吓，去到一推開道門就見到門口櫃裏有很多得獎嘅獎牌，雖然老闆戴住口罩但都睇到佢態度親切笑容滿面招呼我哋，睇完餐牌後我哋叫咗一份紐西蘭羊鞍同埋雜扒拼海鮮，因為我唔食牛嘅關係所以將牛扒轉咗做黑毛豬扒，老闆仲介紹今日餐湯有南瓜肉粒湯配香草蒜蓉焗法包，仲有煙三文魚沙律，坐咗一陣首先上沙律，食得出沙律菜很新鮮爽脆配上咸香的煙三文魚，另味道中和不少，然後到南瓜湯，南瓜湯香甜細滑，淡淡的南瓜味配上香草蒜蓉法式軟包，真係出奇地夾，一見到主食出場我哋兩個都嘩嘩聲，實在擺得太精美，而且碟頭都唔細，第一件事梗係相機食先，然後到我哋嘅主食，朋友的羊鞍超厚，兩件大大片，因為我唔食羊所以唔知道味道如何，但佢就讚不絕口話非常之好味，而我嘅黑毛豬扒就煎到剛好熟，軟滑不會諧口而且仲有很多肉汁，而魚扒就煎到魚皮十分之脆皮，魚肉就一片一片很滑，我仲有一隻大大隻嘅大蝦，咬落去蝦膏多到流咗落去啲蝦肉度，鮮味爆燈，食完隻蝦已經飽到捧住個肚，老闆叫我地一定要食埋個甜品先至完美，佢每人上咗一碟芝士檸檬蛋