影片
更多
2017-08-16
196 瀏覽
都市人食得健康，知易行難。每日翻工，一日至少有一餐出街食，忙起上嚟，真係一日三餐都喺外面食。雖然知道出街食唔好，但又幾多人可以喺屋企自己煮完又慢慢嘆？！Green Common 火速成為熱話，或者就因為佢可以切合都市人嘅需要: 速食中，一樣可以食得健康。Beyond burger 未來漢堡 Plus ($108) Beyond Burger 兩塊烘熱微暖嘅麵包當中夾住蕃茄，芝士，生菜同牛油果，配有蕃茄汁。Beyond Burger 中嘅 "牛扒" 全以植物製作，標榜無激素無抗生素無膽固醇，話係以豌豆同紅菜頭汁造成，完全無動物成份。其實"植物牛扒"外貌同真正牛扒都有8成相似，唯一係真牛扒多少少凹凸，"植物牛扒"就相對靠平滑，色澤其實都同真正牛扒好似。味道嚟講，當然唔會有牛肉味，但"植物牛扒" 無論喺厚度，質感上都同真正牛扒好似。如果唔講，其實真係未必知道係beyond burger。另外值得一提嘅係burger 當中嘅蕃茄汁。茄汁唔係一般食到樽裝茄汁味，而係好新鮮，好juicy，仲會見到好細好細蕃茄蓉嘅新鮮蕃茄汁。呢個茄汁的確為成個未來漢堡加分。beyond burger 分量其實剛剛好
Green Common 火速成為熱話，或者就因為佢可以切合都市人嘅需要: 速食中，一樣可以食得健康。
Beyond burger 未來漢堡 Plus ($108)
Beyond Burger 兩塊烘熱微暖嘅麵包當中夾住蕃茄，芝士，生菜同牛油果，配有蕃茄汁。
Beyond Burger 中嘅 "牛扒" 全以植物製作，標榜無激素無抗生素無膽固醇，話係以豌豆同紅菜頭汁造成，完全無動物成份。
其實"植物牛扒"外貌同真正牛扒都有8成相似，唯一係真牛扒多少少凹凸，"植物牛扒"就相對靠平滑，色澤其實都同真正牛扒好似。
味道嚟講，當然唔會有牛肉味，但"植物牛扒" 無論喺厚度，質感上都同真正牛扒好似。
如果唔講，其實真係未必知道係beyond burger。
另外值得一提嘅係burger 當中嘅蕃茄汁。茄汁唔係一般食到樽裝茄汁味，而係好新鮮，好juicy，仲會見到好細好細蕃茄蓉嘅新鮮蕃茄汁。呢個茄汁的確為成個未來漢堡加分。
beyond burger 分量其實剛剛好，食完會有飽肚感但唔會過飽。仲有就係食晒成個都唔會覺得油膩或者好滯。
以前一講食齋就覺得好dry，無味。而家嘅素食真係一個視覺同味覺上嘅享受。無論係食品選擇，外觀，味道都做得好，令人對食素有一種新體驗，新觀感。
張貼
