影片
更多
2011-02-27
554 瀏覽
11月30日, 菲菲生日夜~ 呀比神神秘秘咁帶咗我去食我最鐘意嘅意大利菜~ 由侍者帶路, 經過長長嘅antipasto buffet table, 我地被安排到餐廳最盡頭嘅一張檯, 可以望晒成個餐廳! 我地order咗一份期間限定嘅special set dinner同一份lobster risotto, 慢慢享受呢一晚~::: Assorted Bread Basket ::: free之前都已經聽聞過Sabatini嘅麵包籃係一個亮點~ 優雅嘅鐵籃子內盛載住grissini、香草包同法包~ 可能擺耐咗… d麵包已經唔熱喇, 不過各種麵包都好鬆軟同好香麵粉味, 尤其嗰隻長長嘅麵包條特別好味~ 除咗好味嘅牛油之外仲有三隻麵包醬比你搽麵包, 我地一致認為隻pesto醬好好味好夾d包~ 其他兩隻就一般啦~::: Special Set Dinner ::: $938::: Selection of Roman Appetizers ::: 我地order嘅set dinner有份Selection of Roman Appetizers, 由waiter幫我地喺出面個antipasto b
::: Assorted Bread Basket ::: free
之前都已經聽聞過Sabatini嘅麵包籃係一個亮點~ 優雅嘅鐵籃子內盛載住grissini、香草包同法包~ 可能擺耐咗… d麵包已經唔熱喇, 不過各種麵包都好鬆軟同好香麵粉味, 尤其嗰隻長長嘅麵包條特別好味~ 除咗好味嘅牛油之外仲有三隻麵包醬比你搽麵包, 我地一致認為隻pesto醬好好味好夾d包~ 其他兩隻就一般啦~
::: Special Set Dinner ::: $938::: Selection of Roman Appetizers :::
我地order嘅set dinner有份Selection of Roman Appetizers, 由waiter幫我地喺出面個antipasto buffet table度揀, 唔洗自己動手. Platter上面有parma ham, cold cut同埋一d grill過嘅蔬菜. Parma ham 嘅蜜瓜清甜, 配上薄薄一片微鹹火腿好好味~ 其他蔬菜都夠新鮮香甜, 不錯!
::: Beef and Capon Consomme with Beaten Egg and Parmesan ::: 呢個肉湯望落好清~ 飲落又會滲出淡淡嘅牛肉同雞肉味道~ 蛋花滑, 但就唔太飲得出有 parmesan 味…
::: Homemade Tagliolini Pasta with White Truffle Butter and Fresh White Truffle :::用上時令白松露菌加牛油去做醬汁, 配上餐廳自製嘅意大利粉… 一上檯已經香氣撲鼻! 白松露菌牛油汁超級香濃, 質地濃淡適中, 雖然用上唔少牛油但入口一d都唔油膩! Homemade嘅Tagliolini Pasta充滿彈性, 富有麵粉同蛋香, 而且條條都可以吸收晒d牛油醬汁~ 十分好味! 新鮮白松露菌切片亦係點精之作, 好脆味道好似杏仁~ 推介推介!!
::: Veal Escalopes with Parma Ham, Sage and White Wine Sauce :::從魚同牛肉之間揀咗後者, 肉味唔太濃, 仲有d被parma ham嘅味道蓋過… 不過個sauce味道唔錯, 清清地之中又可以帶出肉嘅鮮味. 用嚟點露筍或者薯茸一齊食亦不錯~ 薯茸加咗好多牛油, 所以食落比一般嘅creamy, 但係食多幾啖會開始覺得漏~ 整體不過不失啦~
::: Traditional Roman Trifle :::原本嘅蛋糕變成呀菲嘅生日蛋糕~ 由live band 一邊唱生日歌一邊愉快送上! 兩片海綿蛋糕中夾著薄薄一層忌廉同埋榛子粒, 蛋糕鬆軟, 味道甜而不膩~ 伴碟嘅雜苺新鮮香甜, 整體都好好!!
::: Boston Lobster Risotto ::: $688呀比話一定要試下呢度嘅Lobster Risotto~ 分別有波士頓同澳洲兩款龍蝦比我地揀, waiter話我地要細隻d嘅波士頓龍蝦都已經夠食! 其實份量都算大, 仲有個侍應專業地為我地準備~ risotto會先喺檯邊嘅serving table度分好兩碟比我地share~ 侍應將已經開咗邊嘅龍蝦拆肉, 由蝦尾開始純熟地將2/3嘅蝦殼拆出, 和蝦鉗一齊再放於risotto上, 最後有條理地淋上濃濃嘅龍蝦汁~ 只係睇侍應乾淨利落嘅手勢已經值晒!
龍蝦肉夠晒爽口彈牙, 鮮味十足! 驚喜嘅係蝦頭十分多膏!! 龍蝦汁味道自然濃郁, 配上煮得剛好嘅意大利飯好夾~ 乜都掃清! 呢度菜真係令人食過番尋味~
::: Tiramisu ::: $85呀菲嘅生日飯又點能夠無甜品呢? 雖然好多人都讚呢度嘅St. Honore, 但呀菲都係揀咗佢嘅 all-time favourite tiramisu! 呢度嘅tiramisu係比較軟身creamy嘅質地~ 賣相有d似平時食buffet自己cut件cake出嚟咁嘅樣… 手指餅部份沾滿咖啡酒, 質地淋得有d似蛋糕. 芝士味道突出得嚟唔會搶去手指餅嘅咖啡味~ 整體都好唔錯~ 食完亦唔會覺得好滯~ good!!
::: Cappuccino :::雖然已經食到好飽… 但餐飲依然叫咗杯cappuccino~ 厚厚一層奶泡夠晒豐盈! 咖啡香滑, 味道微甜帶甘, 連奶泡一口喝下又添一番味道, 為整晚菜式複雜味道來個完滿總結~
::: Italian Cookies :::估唔到我地二人份嘅曲奇都有咁多! 底層嘅榛子曲奇同杏仁曲奇好香脆~ 上層嘅朱古力則較為甜膩~ 食一兩粒已經夠晒喉!
雖然呢度位處3樓, 環境密封亦無景觀可言, 但周圍滿有格調嘅裝修同夜晚先有嘅live band已經令餐廳充滿氣氛! 服務上平均每個waiter會負責照顧兩至三枱客人, 態度算幾殷勤~ 成晚都過得好開心, 臨尾仲見到呢度嘅首席廚師 Silvertro Sabatini喺度品酒, 佢仲好nice咁同我地影咗張合照添! 呢餐生日飯真係好難忘呀~~~
張貼
