The Butterfly Room

營業中

休息中

終於嚟到全香港最難訂嘅High tea，一進入餐廳就已經感覺好有氣派，樓底極高，空間非常寬躺，枱與枱之間相隔好遠，而櫈係高背基本上見唔到另一枱人。環境一定係滿分，但食物質素小編只能畀平均高少少，主要係創意欠奉少了驚喜，令整體失色，小編未必會再嚟。📌三文治首先嚟嗰咸點，係四款味道嘅三文治，分別係黑松露碎蛋、忌廉芝士雞肉、魚子醬煙三文魚同牛油果龍蝦沙律，每款不同顏色令賣相非常吸引，味道都係一般人都會喜歡，加上三文治細細件份量唔大，食完唔會覺得飽，反而係令人覺得對之後嘅甜點有期待。📌甜點架跟住嚟個兩層甜點架，有四款每樣兩件，上層係紅桑子泡芙同朱古力三文治，下層係檸檬撻同Tiramisu，每件都精緻好味，有甜有酸有濃味。📌鬆餅鬆餅好似喺High tea嘅指定動作，喜歡的話可以無限添加，有兩款，牛油原味同提子乾味，當然配上必定嘅clotted cream，仲有金橘果醬同士多啤梨果醬，小編特別喜歡金橘果醬，味道非常清新可口。📌甜點車有拿破崙、馬卡龍、芝士蛋糕、榛子撻同金橘撻，款式係多，但小編覺得普通咗啲，賣相亦唔夠吸引，真的要花多點心思創造一些新款式帶嚟一啲驚喜。📌朱古力甜點車最後係朱古力甜點車，