影片
更多
2023-03-06
6209 瀏覽
#pb食在尖沙咀 尖沙咀Rosewood親民Fine Dining🍽️呢間位於尖沙咀Rosewood酒店地下嘅Fine Dining一開業嘅時候一位難求🤪 佢價錢親民之餘 食物質素都幾高 難怪咁受歡迎👍🏻 依家book位易左好多 平日嘅話都唔滿座 大家可以去試下啦😍 佢環境好大 部分食物 例如前菜、沙律、Pizza、甜品等會擺左出黎俾大家睇😋 值得一讚係服務方面 我book枱嘅時候已經落左食物敏感 一坐底冇耐 就有店員黎介紹Menu上邊樣食得邊樣唔食得 真係好加分❤️.食物選擇都幾多 前菜都有十幾款 價錢$78-$380不等😋 主食係最抵食 有Pizza、意粉、肉類等 價錢$88-$460不等😍 飲品主要以酒類為主🤪 食完唔好唔記得仲有甜品呀🥰🔹Polpo E Olive🦑推介❤️ 見好多人都推介呢個八爪魚沙律😋 八爪魚份量好多 每一舊都好軟、好淋身😍 就算食哂咁多 都唔會咬到牙軟 好煙韌咁👍🏻 佢用左橄欖油去浸 味道唔太濃 食到八爪魚嘅鮮味🥰🔹Ragu🍕推介❤️ Pizza價錢$88 / $98一塊 幾抵食👍🏻 呢款係比較傳統嘅Pizza 落左肉丸、巴馬臣芝士、羅勒😋 佢係批底都幾厚身 不過
尖沙咀Rosewood親民Fine Dining🍽️
呢間位於尖沙咀Rosewood酒店地下嘅Fine Dining一開業嘅時候一位難求🤪 佢價錢親民之餘 食物質素都幾高 難怪咁受歡迎👍🏻 依家book位易左好多 平日嘅話都唔滿座 大家可以去試下啦😍 佢環境好大 部分食物 例如前菜、沙律、Pizza、甜品等會擺左出黎俾大家睇😋 值得一讚係服務方面 我book枱嘅時候已經落左食物敏感 一坐底冇耐 就有店員黎介紹Menu上邊樣食得邊樣唔食得 真係好加分❤️
.
食物選擇都幾多 前菜都有十幾款 價錢$78-$380不等😋 主食係最抵食 有Pizza、意粉、肉類等 價錢$88-$460不等😍 飲品主要以酒類為主🤪 食完唔好唔記得仲有甜品呀🥰
🔹Polpo E Olive🦑
推介❤️ 見好多人都推介呢個八爪魚沙律😋 八爪魚份量好多 每一舊都好軟、好淋身😍 就算食哂咁多 都唔會咬到牙軟 好煙韌咁👍🏻 佢用左橄欖油去浸 味道唔太濃 食到八爪魚嘅鮮味🥰
🔹Ragu🍕
推介❤️ Pizza價錢$88 / $98一塊 幾抵食👍🏻 呢款係比較傳統嘅Pizza 落左肉丸、巴馬臣芝士、羅勒😋 佢係批底都幾厚身 不過唔會好乾 落左大量茄醬、芝士 食落好香😍 中間嘅肉丸都好大粒 好好食🥰 連我唔係Pizza愛好者食左一啖都大讚🤪
🔹Lasagna Alla Bolognese🐮
呢個千層麵相對比較普通🤪 味道唔算太濃、太香 蕃茄、芝士味都唔太食到😐 唯一要讚嘅就係份量都幾多👍🏻
🔹Tiramisu🍫
推介❤️ 甜品又一貼心位😍 Book枱嘅時候講左係Anniversary celebration 上甜品時餐自動加左個朱古力牌🥰 Tiramisu口感好滑 咖啡味好濃😋 中間嘅手指餅被Espresso 浸透左 超好食👍🏻
.
整體✨ 呢間尖沙咀Fine Dining一直都係人氣之選❤️ 店內環境好大 店員服務好好👍🏻 重點係價錢親民 而且食物質素唔錯 兩個人食$1000內有找😍 食完一次已經覺得會再去了🥰
BluHouse (尖沙咀)
尖沙咀梳士巴利道18號香港瑰麗酒店地下
#pbfinedining系列🍽️
張貼
