Diletto (已結業)

餐廳有如尖沙咀嘅秘密花園，綠色為主題嘅佈置，加上鮮花嘅裝飾，令人好似置身大自然咁舒服，喺度享用一餐晚餐真係一大享受。今晚同好友喺度晚餐, 叫咗一杯特飲cabernet rose，粉紅色有如玫瑰花，浪漫醉人，口感清新。嗌咗幾個主菜一齊分享，有帶子意大利飯，餅炸蟹餅，同埋肉眼扒。餐廳嘅餐包用別緻嘅籃盛載，麵包點醋同橄欖油 ，先暖暖胃。炸蟹餅炸得香脆而不油膩，蟹味濃郁。帶子意大利飯creamy，意大利飯嘅生熟度剛剛好。肉眼扒份量好大，夠曬share。配三款醬汁，包括海鹽，芥末同燒汁，不過其實唔使點，已經非常juicy美味。